លោក ហ៊ុន ម៉ាណែត៖ រដ្ឋាភិបាលយកចិត្តទុកដាក់ចំពោះកិត្តិយស និងជីវភាពកងទ័ព

2019-09-25 07:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេ បញ្ជាការកងទ័ពជើងគោក បានអញ្ជើញសំណេះសំណាល បានថ្លែងអំណរគុណចំពោះគុណូបការៈ ស្នាដៃ និងការខិតខំរបស់នាយទាហាននាយទាហានរងនិងពលទាហានដែលបានបំពេញភារកិច្ចជូនជាតិមាតុភូមិក្នុងរយៈពេលកន្លងមក ជាពិសេសស្ថិតនៅក្នុងដំណាក់កាលដែលលំបាកក្នុងការរំដោះជាតិ ការទប់ស្កាត់នៃការវិលត្រឡប់របបប្រល័យពូជសាសន៍ និងការថែរក្សាសុខសន្តិភាព និងការចូលរួមការសម្រេចបានយុទ្ធសាស្ត្រឈ្នះ ឈ្នះ ហើយធ្វើឲ្យយើងមានសុខសន្តិភាពដូចសព្វថ្ងៃនេះ។

ការថ្លែងនេះធ្វើឡើងក្នុងពិធី បំពាក់ឋានន្តរសក្តិជូនយោធិនត្រូវចូលនិវត្តន៍ ឆ្នាំ២០១៩ របស់យោធភូមិភាគទី៥ និងកងពលតូចអន្តរាគមន៍លេខ១៤ កងទ័ពជើងគោកខេត្តបាត់ដំបង កាលពីថ្ងៃទី២៤ ខែកញ្ញា ឆ្នាំ២០១៩។ លោកបន្តថា ការជួបជុំ និងការបំពាក់ឋានន្តរសក្ដិជូនយោធិនដែលត្រូវចូលនិវត្តន៍នាពេលនេះ គឺក្នុងគោលបំណង បើគ្មានការចូលរួមពីអ៊ំពូមីង និងកងកម្លាំងគ្រប់និន្នាការនយោបាយចូលរួមទេ យើងក៏មិនអាចមានសុខសន្តិភាពដូចសព្វថ្ងៃនេះទេ។

លោក ឧត្តមសេនីយ៍ឯក ហ៊ុន ម៉ាណែត បានបញ្ជាក់ថា រាជរដ្ឋាភិបាលបានយកចិត្តទុកដាក់ចំពោះកិត្តិយស និងជីវភាពរបស់កងទ័ពតាមរយៈការដំឡើងប្រាក់បៀវត្សនិងផ្តល់គោលនយោបាយ និងសេវាផ្សេងជាច្រើនទៀតរួមមានបេឡាជាតិសន្តិសុខសង្គម។ ហើយការយកចិត្តទុកដាក់នេះមិនមែនធ្វើតែពេលបំពេញភារកិច្ចនោះទេគឺធ្វើគ្រប់ដំណាក់កាលទាំងអស់គឺពេលកំពុងបំពេញភារកិច្ច និងក្រោយពេលបំពេញភារកិច្ច គឺយើងបន្តជួយតាមយន្តការសមាគមអតីតយុទ្ធជន។ នេះគឺជាយន្តការរាជរដ្ឋាភិបាលដែលយកចិត្តទុកដាក់ចំពោះកងទ័ព និងអតីតយុទ្ធជន៕

ចុចអាន៖

អត្ថបទ៖ ម៉េងងី