រដ្ឋបាលខេត្តបន្ទាយមានជ័យជូនដំណឹងពីការចល័តកម្លាំងនៅថ្ងៃស្អែកដើម្បីហ្វឹកហាត់

2019-10-31 08:04:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាលខេត្តមន្ទាយមានជ័យឲ្យដឹងថានៅថ្ងៃទី១ ខែវិច្ឆិកា ស្អែកនេះនឹងមានការចល័តកងកម្លាំងប្រដាប់អាវុធដើម្បីចូលរួមហ្វឹកហាត់រួមគ្នាជាមួយកងកម្លាំងឈរជើងក្នុងភូមិសាស្រ្តខេត្តដោយថាដើម្បីបង្កើនការថែរក្សាសន្តិសុខ សណ្ដាប់ធ្នាប់សាធារណៈ និងសុវត្ថិភាព។

(រូបតំណាង/រូបភាព៖ រដ្ឋបាលខេត្តបន្ទាយមានជ័យ)

ក្នុងសេចថក្ដីជូនដំណឹងមួយចុះថ្ងៃទី៣០ ខែតុលា ឆ្នាំ២០១៩ និងត្រូវផ្សព្វផ្សាយលើផេករដ្ឋបាលខេត្តបន្ទាយមានជ័យនៅថ្ងៃនេះ បានសរសេរថានៅវេលាម៉ោង៧ព្រឹកថ្ងៃទី១ ខែវិច្ឆិកា ឆ្នាំ២០១៩ នឹងមានការចល័យកម្លាំងចេញពីបញ្ជាការទិសទី១បន្ទាយមានជ័យ និងពីទីបញ្ជាការដ្ឋានកងរាជអាវុធហត្ថខេត្តខ្ពោះទៅកាន់ស្នងការដ្ឋាននគរបាលខេត្តក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។

ការចល័តនេះរដ្ឋបាលខេត្តថាដើម្បីចូលរួមហ្វឹកហាត់រួមគ្នារវាងកងកម្លាំងដែលឈរជើងនៅក្នុងភូមិសាស្រ្តខេត្ត ដូចជាកងកម្លាំងយោធភូមិភាគទិសទី១បន្ទាយមានជ័យ បញ្ជាការដ្ឋានកងរាជអាវុធហត្ថខេត្ត ស្នងការដ្ឋាននគរបាលខេត្ត ដើម្បីបង្កើនការថែរក្សាសន្តិសុខ សណ្ដាប់ធ្នាប់សាធារណៈ និងសុវត្ថិភាព។

រដ្ឋបាលខេត្តបានជូនដំណឹងដល់ប្រជាពលរដ្ឋជា្របជាព័ត៌មាន និងកុំឲ្យមានការព្រួយបារម្ភ ចំពោះការចល័តកម្លាំងនេះ៕