ស្ថានភាពអាកាសធាតុនៅកម្ពុជា ប្រែប្រួលឬយ៉ាងណា?
- 2019-12-09 01:33:19
- ចំនួនមតិ 0 | ចំនួនចែករំលែក 0
ស្ថានភាពអាកាសធាតុនៅកម្ពុជា ប្រែប្រួលឬយ៉ាងណា?
ចន្លោះមិនឃើញ
ក្រសួងធនធានទឹក និងឧតុនិយម បានជូនដំណឹងថា ចាប់ពីថ្ងៃទី១០ ខែធ្នូ ឆ្នាំ២០១៩ ឥទ្ធិពលជ្រលងសម្ពាធខ្ពស់ដែលបានគ្របដណ្តប់លើកម្ពុជានោះ នឹងចុះថមថយដោយរំកិលឡើងលើទៅជាលំដាប់។ ស្ថានភាពបែបនេះ ធ្វើឱ្យធាតុអាកាសនៅកម្ពុជា ចាប់ពីថ្ងៃទី១០-១៣ ខែធ្នូ ឆ្នាំ២០១៩៖
១. ខេត្តឧត្តរមានជ័យ ព្រះវិហារ ស្ទឹងត្រែង រតនគិរី មណ្ឌលគិរី និងខេត្តប៉ៃលិន សីតុណ្ហភាពអប្បបរមា មានពី ១៧-១៩ អង្សារសេ និងសីតុណ្ហភាពអតិបរមា មានពី ២៤-២៦អង្សារសេ។
២. ខេត្តបន្ទាយមានជ័យ សៀមរាប បាត់ដំបង កំពង់ធំ ពោធិ៍សាត់ ក្រចេះ និងខេត្តកោះកុង សីតុណ្ហភាពអប្បបរមា មានពី ១៩-២១អង្សារសេ និងសីតុណ្ហភាពអតិបរមា មានពី ២៥-២៧អង្សារសេ។
៣. ខេត្តកំពង់ស្ពឺ កំពង់ឆ្នាំង កណ្តាល ព្រៃវែង ស្វាយរៀង កំពង់ចាម ត្បូងឃ្មុំ និងរាជធានីភ្នំពេញ សីតុណ្ហភាពអប្បបរមា មានពី ២០-២២អង្សារសេ និងសីតុណ្ហភាពអតិបរមា មានពី ២៧-២៩ អង្សារសេ។
៤. ខេត្តតាកែវ កែប កំពត និងខេត្តព្រះសីហនុ សីតុណ្ហភាពអប្បបរមា មានពី ២២-២៤ អង្សារសេ និងសីតុណ្ហភាពអតិបរមា មានពី ២៨-៣០ អង្សារសេ។
-ចាប់ពីថ្ងៃទី១៤-១៦ ខែធ្នូ ឆ្នាំ២០១៩៖
១. បណ្តាខេត្តនៅជាប់ក្បែរតំបន់ជួរភ្នំដងរែក និងខ្ពង់រាប សីតុណ្ហភាពអប្បបរមា មានពី ២១-២៣អង្សារសេ និងសីតុណ្ហភាពអតិបរមា មានពី ២៨-៣១អង្សារសេ។
២. បណ្តាខេត្តនៅតំបន់វាលទំនាបកណ្តាល និងតំបន់មាត់សមុទ្រ សីតុណ្ហភាពអប្បបរមា មានពី ២២-២៥អង្សារសេ និងសីតុណ្ហភាពអតិបរមា មានពី ២៩-៣២អង្សារសេ៕