តាមការពិត មានទាហានអាមេរិក១១នាក់រងរបួសពិតមែន ក្រោមថ្វីដៃគ្រាប់មីស៊ីលរបស់អ៊ឺរ៉ង់
- 2020-01-17 09:11:46
- ចំនួនមតិ 0 | ចំនួនចែករំលែក 0
តាមការពិត មានទាហានអាមេរិក១១នាក់រងរបួសពិតមែន ក្រោមថ្វីដៃគ្រាប់មីស៊ីលរបស់អ៊ឺរ៉ង់
ចន្លោះមិនឃើញ
ទាហានអាមេរិកបម្រើការក្នុងមូលដ្ឋានទ័ពនៅក្នុងប្រទេសអ៊ីរ៉ាក់ចំនួន១១នាក់ ត្រូវបានគេបញ្ជូនទៅព្យាបាលបន្ទាប់ពីគ្រាប់មីស៊ីលរបស់អ៊ឺរ៉ង់វាយប្រហារលើមូលដ្ឋានទ័ពអាមេរិកចំនួន២ កាលពីសប្ដាហ៍មុន។ នេះបើតាមការរាយការណ៍របស់មន្ត្រីយោធានៅថ្ងៃព្រហស្បតិ៍ ដែរផ្ទុយពីអ្វីដែលលោកប្រធានាធិបតី ដូណាល់ ត្រាំ បានលើកឡើងថា គ្មានជនជាតិអាមេរិកណាម្នាក់រងរបួសទេ។ ការវាយប្រហាររបស់អ៊ឺរ៉ង់កាលពីថ្ងៃទី៨ ខែមករា ឆ្នាំ២០២០ មកលើបន្ទាយកងទ័ពអាមេរិកក្បែរទីក្រុង បាដាដ និងទីក្រុង អៀបីល ក្នុងប្រទេសអ៊ីរ៉ាក់ គឺជាការឆ្លើយតបទៅសហរដ្ឋអាមេរិកវិញរបស់អ៊ឺរ៉ង់ ដោយសារលោកមេបញ្ជាការជាន់ខ្ពស់របស់អឺរ៉ង់គឺលោក កាសស៊ីម ស៊ូលឡាម៉ានី ត្រូវបានសម្លាប់ដោយយន្តហោះគ្មានមនុស្សបើករបស់អាមេរិកបញ្ជាផ្ទាល់របស់លោកត្រាំ។
លោកបន្តទៀតថា ពួកគេទាំងអស់នេះត្រូវបានបញ្ជូនទៅបន្ទាយកងទ័ពអាមេរិកនៅប្រទេសអាល្លឺម៉ង់ និងគូវែត ដើម្បីថតពិនិត្យមើល ហើយនៅពេលដែលពួកគេបានធូរហើយ នឹងត្រូវបញ្ជូនទៅប្រទេសអ៊ីរ៉ាក់វិញ៕