រឿងបាញ់រះនៅថៃ លោកប្រាយុទ្ធ ថាត្រូវពិនិត្យរោគផ្លូវចិត្តរបស់ទាហាន

2020-02-10 03:59:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីហេតុការណ៍បាញ់រះធ្វើឱ្យមនុស្សស្លាប់ និងរបួសជាច្រើននាក់នៅថៃ លោកនាយករដ្ឋមន្រ្តី ប្រាយុទ្ធ ចាន់អូចា យល់ឃើញថា កងទ័ពគួរតែត្រូវបានពិនិត្យសុខភាពផ្លូវចិត្តហើយ។ លោកថ្លែងដូច្នេះ ក្នុងអំឡុងពេលទៅមើលជនរងគ្រោះពីការបាញ់ប្រហារនៅខេត្តនគររាជសីមា កាលពីថ្ងៃទី៩ ខែកុម្ភៈ ឆ្នាំ២០២០។

លោកបញ្ជាក់ថា៖ «ខ្ញុំធ្លាប់ជាមេបញ្ជាការកងទ័ពមួយរូប ដូច្នេះខ្ញុំដឹង។ មេទ័ពទាំងនោះ មានបញ្ហានេះ។ អ្នកត្រូវតែតាមដានសុខភាពផ្លូវចិត្តពួកគេឱ្យជាប់ ដើម្បីកំណត់បញ្ហានេះ។ ប៉ុន្តែពេលខ្លះ ពួកគេមិនបានប្រាប់ទេ ដូចក្នុងករណីហេតុការណ៍ខាងលើនេះអ៊ីចឹង»។

សូមរំលឹកថា កាលពីថ្ងៃទី៨ ខែកុម្ភៈ ឆ្នាំ២០២០ ទាហានម្នាក់ឈ្មោះ Jakrapanth Thomma អាយុ៣២ឆ្នាំ បានដើរបាញ់រះនៅទីក្រុងនគររាជសីមា ភាគច្រើននៃអ្នកស្លាប់គឺនៅមជ្ឈមណ្ឌលផ្សារទំនើប 21 Terminal។ ជនបង្កនេះ ត្រូវបានគេដឹងថាបានបាញ់សម្លាប់មេបញ្ជាការរបស់ខ្លួនឯង ដោយសារតែមានទំនាស់គ្នារឿងដីធ្លី៕

អត្ថបទ៖ សំភី