អគ្គីភ័យឆេះផ្ទះមួយកន្លែងព្រឹកមិញបណ្ដាលឲ្យមនុស្យម្នាក់ស្លាប់
- 2020-02-25 10:22:01
- ចំនួនមតិ 0 | ចំនួនចែករំលែក 0
អគ្គីភ័យឆេះផ្ទះមួយកន្លែងព្រឹកមិញបណ្ដាលឲ្យមនុស្យម្នាក់ស្លាប់
ចន្លោះមិនឃើញ
កាលពីវេលាម៉ោង ៩:២០នាទីព្រឹក ថៃ្ងអងា្គរ ថ្ងៃទី២៥ ខែកុម្ភៈ ឆ្នាំ២០២០ បានមានអគ្គីភ័យមួយកន្លែងកើតឡើងនៅស្ថិតនៅតាមបណ្តោយផ្លូវរថភើ្លង កែនឹងផ្លវ២៧៣ ក្រុមទី១R ភូមិបាក់ទូក សង្កាត់ទួលសងែ្កទី១ ខណ្ឌឫស្សីកែវ រាជធានីភ្នំពេញ។ ហេតុការណ៍ឆេះនេះដែរបានបណ្ដាលឲ្យស្លាប់មនុស្ស ០១ នាក់ ឈ្មោះ កប មុំ ភេទ ស្រី មុខរបរ មិនពិតប្រាកដ ស្នាក់នៅទីតាំងកើតហេតុខាងលើ និងពុំមានអ្នករងរបួសមនុស្សឡើយ។
ផ្ទះដែលមានអគ្គីភ័យឆាបឆេះនេះមានម្ចាស់ឈ្មោះ: សន រដ្ឋា ភេទ ប្រុស អាយុ ឆ្នាំ មុខរបរ មន្ត្រីយោធា ជាប្រភេទសំណង់ៈឈើប្រក់សង័្កសី ទំហំ ៥មx២២ម ដោយខូចខាតសំភារៈឆេះផ្ទះឈើប្រក់សង័្កសី ទំហំ ៥មx២២ម អស់ចំនួន ០១ ខ្នង និងឆេះរាលដាលដល់ផ្ទះចំនួន ១៥ ខ្នង ផ្ទះទៀត ។ ចំពោះមូលហេតុនៅមិនទាបបានដឹងនៅឡើយ។
ក្នុងប្រតិបត្តិការនេះបានប្រើប្រាស់រថយន្តការិយាល័យអគ្គិភ័យ ចំនួន ២៥ គ្រឿង ប្រើប្រាស់ទឹកអស់ចំនួន ២៥ ឡានស្មើនឹង ១០០ ម៉ែត្រគូប។ រថយន្តជំនួយ និងរថយន្តក្រសួងមហាផៃ្ទចំនួន ០៤ គ្រឿង ប្រើប្រាស់ទឹកអស់ចំនួន ០៤ ឡាន សើ្មនឹង ១៨ ម៉ែត្រគូប។ រថយន្តកងរាជអាវុធហត្ថ ចំនួន ០២ គ្រឿង មិនបានប្រើប្រាស់ទឹក។ រថយន្តសាលាខណ្ឌឫស្សីកែវចំនួន ០១ គ្រឿង ប្រើប្រាស់ទឹកអស់ចំនួន ០២ ឡាន សើ្មនឹង ០៨ ម៉ែត្រគូប។ រថយន្តក្រុមហ៊ុនOCICទីក្រុងជ្រោយចង្វារចំនួន ០៧ គ្រឿងបានប្រើប្រាស់ទឹកអស់ចំនួន ០៧ ឡាន សើ្មនឹង ២៨ ម៉ែត្រគូប។ រថយន្ដក្រុមហ៊ុនOCICទីក្រុងកោះពេជ្រចំនួន ០៣ គ្រឿងបានប្រេីប្រាស់ទឹកអស់ចំនួន ០៣ ឡាន សើ្មនឹង ១២ ម៉ែត្រគូប។រថយន្តក្រុមហ៊ុនស្រាបៀរកម្ពុជាចំនួន ០១ ឡាន ប្រេីប្រាស់ទឹកអស់ចំនួន ០១ ឡាន ស្មេីនឹង ០៦ ម៉ែត្រគូប។ ពន្លត់ចប់ នៅម៉ោង១០:៣០នាទីព្រឹក នាថ្ងៃខែឆ្នាំដដែល៕
ប្រភព៖ នាយកដ្ឋាននគរបាលបង្ការ ពន្លត់អគ្គីភ័យ និងសង្គ្រោះ នៃអគ្គស្នងការនគរបាលជាតិ