លីគកំពូលបាល់ទាត់ប្រទេសនេះ នឹងបើកឲ្យមានការប្រកួតឆាប់ៗឡើងវិញ

2020-04-09 04:12:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Bundesliga ដែលជា លីគកំពូលបាល់ទាត់នៅប្រទេសអាល្លឺម៉ង់ គ្រោងនឹងបើកឲ្យមានការត្រឡប់មកហ្វឹកហាត់វិញ និងចាប់ផ្តើមការប្រកួតនៅដើមខែ ឧសភា ខាងមុខនេះ ដើម្បីបញ្ចប់រដូវកាលដែលនៅសល់តែ ៩ ប្រកួតទៀតប៉ុណ្ណោះ ប៉ុន្តែមិនអនុញ្ញាតឲ្យអ្នកគាំទ្រចូលក្នុងកីឡដ្ឋានឡើយ អាចមើលតាមទូរទស្សន៍បាន។ នេះបើតាមការលើកឡើងរបស់ប្រធានលីគលោក Christian Seifert ដែលបានផ្តល់បទសម្ភាសន៍ជាមួយនឹង New York Times កាលពីថ្ងៃពុធទី ៨ ម្សិលមិញ។

លោក Christian Seifert /រូបថត៖ Reuters

ប្រធានលីគ ដដែលបានបន្ថែមទៀតថា ក្លឹបទាំង ៣៦ នៅលីគទាំងពីរកម្រិត ត្រូវបានអនុញ្ញាតិឲ្យមកហ្វឹកហាត់វិញដូចសព្វដង។

សម្រាប់ការប្រកួតដែលនៅសល់ នឹងត្រូវអនុញ្ញាតឲ្យមនុស្សចូលចូលក្នុងកីឡដ្ឋានត្រឹមតែ ២៤០ នាក់ប៉ុណ្ណោះមានដូចជា កីឡាករ គ្រូ មន្ត្រីអាជ្ញាកណ្ដាល បុគ្គលិកពេទ្យ និងក្រុមការងារថត ហើយក៏ត្រូវ អនុវត្តវិធានការការពារ ឬតាមដានសុខភាពកីឡាករនិងបុគ្គលិកក្លឹបនិមួយៗផងដែរ។

ប្រការនេះ អាចនឹងធ្វើឲ្យ Bundesliga ជាលីគកំពូលអឺរ៉ុបមួយ ដែលអាចត្រឡប់មកវិញមុនគេ ខណៈដែល កាលពីថ្ងៃចន្ទដើមសប្តាហ៍កន្លងទៅ ខាងភាគីក្លឹប Bayern Munich ក៏បានបើកទីលានឲ្យកីឡាករមកហាត់វិញដោយចែកជាក្រុមតូចៗ នៅដាច់គ្នាផងដែរ។

ចំណែកឯលីគដទៃ ដែលបាន ផ្អាក គ្រោងនឹងត្រឡប់មកខែ ឧសភា នេះដូចគ្នា តែមិនទាន់ឃើញមានការបញ្ជាក់ជាថ្មីណាមួយពីប្រធានលីគនៅឡើយ៕