រឿងមួយចំនួន ដែលធ្វើឲ្យឪពុកធម៌ នាយចឺម មិនទាន់ចែកទ្រព្យឲ្យ

2018-01-27 07:26:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឪពុកធម៌ធានាចែកទ្រព្យសម្បត្តិ និងជួយជាថវិកាស្ដីដណ្ដឹងប្រពន្ធឲ្យនាយ ចឺម ប្រសិនបើនាយនៅរក្សាចិត្តស្មោះចំពោះក្រុមគ្រួសារខ្លួនដោយគ្មានផ្លាស់ប្ដូរ។

លោក ឈុន ឡាត់ ឪពុកធម៌នាយចឺម

លោក ឈុន ឡាត់ ដែលត្រូវជាឪពុកធម៌នាយចឺម បានឲ្យដឹងថា ពេលនេះខ្លួន និងភរិយាមិនទាន់ហ៊ានធានាថា លោកនឹងចែកទ្រព្យសម្បត្តិ ព្រមទាំងថវិកាមួយចំនួនដើម្បីចូលស្ដីដណ្ដឹងប្រពន្ធឲ្យនាយ ចឺម នោះទេ ព្រោះបារម្ភខ្លាចក្រែងទៅថ្ងៃខាងមុខនាយ មានការប្រែប្រួលចិត្តឈប់ស្រលាញ់ក្រុមគ្រួសារលោក ដូចឥឡូវនេះ។

លោកថា៖ «ទៅថ្ងៃខាងមុខស៊ីសងលើចិត្តគំនិតរបស់គាត់ (នាយ ចឺម) ថា តើគាត់ស្រលាញ់យើងស្មោះឬអត់? គោរពយើងក្នុងនាមជាប៉ាធម៌ម្នាក់ដែរអត់? បើគាត់នៅតែស្រលាញ់គោរពក្រុមគ្រួសារខ្ញុំដូចសព្វថ្ងៃនេះ រឿងអីខ្ញុំទៅខ្លាច ចែកទ្រព្យឲ្យគាត់នោះ»។

មុនការលើកឡើងរបស់ឪពុកធម៌ខាងលើនេះ នាយ ចឺម បាននិយាយថា ខ្លួនស្រលាញ់រាប់អាន និងហៅប៉ាម៉ាក់ធម៌ពេញៗមាត់ មិនបានន័យថា នាយសម្លឹងមើលឃើញទ្រព្យសម្បត្តិអ្វីនោះទេ តែជាក្ដីស្រឡាញ់ពិតដែលចេញពីចិត្តទាំងអស់។ ហើយទៅថ្ងៃខាងមុខ នាយនៅតែស្រលាញ់ និងគោរពដូចឪពុកម្ដាយបង្កើតមិនប្រែប្រួលចិត្តឡើយ។

សូមរំឭកថា កាលពីពាក់កណ្ដាលខែឧសភា ឆ្នាំ២០១៧កន្លងទៅ ឪពុកធម៌ នាយ ចឺម ត្រូវជាឪពុកបង្កើតលោក ឈុន សុវណ្ណភក្ដី បានផ្តល់កាដូរថយន្ត Toyota Tundra ស៊េរី០០៧ មួយគ្រឿងដល់ នាយ ចឺម៕

អត្ថបទ៖ ឆុង ស៊ីណាន