រដ្ឋាភិបាលថៃ គ្រោងបន្ធូរបន្ថយបម្រាមគោចរវិញនៅចុងខែនេះហើយ

2020-04-16 04:19:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលថៃ គ្រោងនឹងបន្ធូរបន្ថយបំរាមគោចរវិញនៅត្រឹមចុងខែមេសានេះ ប្រសិនបើករណីឆ្លងជំងឺកូវីដ១៩ នៅតែបន្តធ្លាក់ចុះ។ នេះបើតាមការចុះផ្សាយរបស់ Bangkok Post នៅថ្ងៃទី១៦ ខែមេសា ឆ្នាំ២០២០នេះ។

រដ្ឋាភិបាលបានដាក់បំរាមគោចរនៅទូទាំងប្រទេសចាប់ពីថ្ងៃទី៣ ដល់ ៣០ ខែមេសា ពីម៉ោង ១០យប់ ដល់ម៉ោង ៤ទៀបភ្លឺ ដើម្បីទប់ស្កាត់ការរីករាលដាលនៃជំងឺរាតត្បាតកូវីដ១៩។

លោក ប្រាយុទ្ធ ចាន់អូចា នាយករដ្ឋមន្រ្តីថៃ បានថ្លែងក្រោយកិច្ចប្រជុំគណៈរដ្ឋមន្រ្តី កាលពីថ្ងៃទី១៥ ខែមេសាម្សិលមិញដោយកត់សម្គាល់ឃើញថា ចំនួនអ្នកឆ្លងកូវីដ១៩ នៅក្នុងប្រទេស បានធ្លាក់ចុះក្នុងមួយថ្ងៃ។

លោកបញ្ជាក់ថា៖ «ខ្ញុំបានដឹងថា ការរឹតបន្តឹងក្រោមបំរាមគោចរនេះ បានប៉ះពាល់ដល់ប្រជាជន។ រដ្ឋាភិបាលកំពុងព្យាយាមដោះស្រាយជាមួយនឹងវិធានការជម្រើសផ្សេងៗ»។

គិតត្រឹមព្រឹកថ្ងៃទី១៦ ខែមេសានេះ ថៃមានអ្នកឆ្លងជំងឺកូវីដ១៩ ចំនួន ២៦៤៣នាក់ ក្នុងនោះស្លាប់ ៤៣នាក់ និងជាសះស្បើយ ១៤៩៧នាក់៕

ប្រភព៖ Bangkokpost ប្រែសម្រួល៖ សំភី