ចិន ធ្វើតេស្តវ៉ាក់សាំងកូវីដ១៩ជោគជ័យលើសត្វស្វាមួយក្បាល

2020-05-07 07:08:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន Sinovac Biotech ដែលមានមូលដ្ឋាននៅក្រុងប៉េកាំង ប្រទេសចិន បានធ្វើតេស្តវ៉ាក់សាំងការពារជំងឺកូវីដ១៩ បានយ៉ាងជោគជ័យ ដោយការធ្វើតេស្តនេះ លើសត្វស្វាមួយក្បាល។ នេះបើតាមការចុះផ្សាយរបស់ CGTN នៅថ្ងៃទី៧ ខែឧសភា ឆ្នាំ២០២០។

អ្នកវិទ្យាសាស្រ្តបានចាក់វ៉ាក់សាំងដែលដាក់ឈ្មោះថា «PiCoVacc» ចូលក្នុងខ្លួនសត្វស្វា១ក្បាលប្រភេទ «rhesus macaques» មានប្រភពមកពីប្រទេសឥណ្ឌា។ ៣សប្តាហ៍បន្ទាប់មក គេធ្វើឱ្យសត្វស្វានេះ មានវីរុសកូរ៉ូណា។ ១សប្តាហ៍ក្រោយមកទៀត គេពិនិត្យឃើញថា ពុំមានវីរុសក្នុងសួតរបស់វាឡើយ ដែលមានន័យថា វ៉ាក់សាំងនេះគឺដំណើរការ ពោលគឺវាអាចសម្លាប់វីរុសបានដោយមានប្រសិទ្ធភាព។

ចំណែកសត្វស្វាផ្សេងទៀត ដែលពុំទទួលបានការចាក់វ៉ាក់សាំង ហើយពេលឆ្លងមេរោគកូរ៉ូណា គឺកាន់តែធ្ងន់ធ្ងរ។

គួរដឹងថា វ៉ាក់សាំង PiCoVacc នេះត្រូវបានធ្វើតេស្តលើមនុស្សក្នុងប្រទេសចិន ចាប់តាំងពីពាក់កណ្តាលខែមេសាមក៕

ប្រភព៖ CGTN ប្រែសម្រួល៖ សំភី