អ្នកជាប់ពន្ធនាគារ អាចចាយលុយផ្ទាល់ខ្លួនបានទេ?
- 2020-06-02 09:16:44
- ចំនួនមតិ 0 | ចំនួនចែករំលែក 0
អ្នកជាប់ពន្ធនាគារ អាចចាយលុយផ្ទាល់ខ្លួនបានទេ?
ចន្លោះមិនឃើញ
ជនជាប់ឃុំ អាចត្រូវបានអនុញ្ញាតឱ្យប្រើប្រាស់ថវិកាផ្ទាល់ខ្លួន ដើម្បីទិញសម្ភារៈប្រើប្រាស់ ឬទទួលសម្ភារៈប្រើប្រាស់ពីគ្រួសារ ញាតិមិត្ត ឬពីប្រភពផ្សេងទៀត ប្រសិនបើមានការយល់ព្រម និងការត្រួតពិនិត្យពីប្រធានពន្ធនាគារ។
ជនជាប់ឃុំ មិនត្រូវបានអនុញ្ញាតឱ្យទិញ ឬផ្តល់ ឬឱ្យខ្ចី ឬលក់សម្ភារៈទៅឱ្យជនជាប់ឃុំផ្សេងទៀតបានឡើយ។
ថវិកា ទ្រព្យសម្បត្តិមានតម្លៃជាប់ខ្លួនរបស់ជនជាប់ឃុំ ត្រូវបានដកហូត កត់ត្រាត្រឹមត្រូវ ក្នុងសៀវភៅបញ្ញើ និងរក្សាទុកក្នុងគណនីពន្ធនាគារ ឬត្រូវប្រគល់ជូនក្រុមគ្រួសារ ញាតិមិត្តរក្សាទុក ប្រសិនបើមានការយល់ព្រមពីជនជាប់ឃុំ ដោយត្រូវមានហត្ថលេខា ឬស្នាមម្រាមដៃរបស់ជនជាប់ឃុំ។
ក្នុងករណីចាំបាច់ និងមានការយល់ព្រមពីប្រធានពន្ធនាគារ ជនជាប់ឃុំអាចប្រើប្រាស់ថវិកាបញ្ញើរបស់ខ្លួនបាន។
ថវិកា និងទ្រព្យសម្បត្តិមានតម្លៃរបស់ជនជាប់ឃុំដែលពន្ធនាគារទទួលខុសត្រូវរក្សាទុក ត្រូវប្រគល់ជូនជនជាប់ឃុំវិញ នៅពេលដោះលែង។
-ជនជាប់ឃុំអាចរក្សាទុកឱសថជាកម្មសិទ្ធិផ្ទាល់ខ្លួន ក្នុងករណីមានការយល់ព្រមពីមន្រ្តីពេទ្យពន្ធនាគារ។
ដកស្រង់ចេញពី៖ ច្បាប់ស្តីពីពន្ធនាគារ