ភាពខុសគ្នារវាង យោធិនអាជីព និងយោធិនជាប់កិច្ចសន្យា
- 2020-06-17 08:39:29
- ចំនួនមតិ 0 | ចំនួនចែករំលែក 0
ភាពខុសគ្នារវាង យោធិនអាជីព និងយោធិនជាប់កិច្ចសន្យា
ចន្លោះមិនឃើញ
គឺជានាយទាហាន នាយទាហានរង ឬបុគ្គលសមានកម្ម ដែលត្រូវបានទទួលឱ្យចូលជាយោធិនអាជីព ក្រោយពីបានធ្វើពាក្យសុំចូល ហើយបានតែងតាំងឋានន្តរសក្តិតាមឋាននុក្រម។
ការជ្រើសរើសនាយទាហានអាជីព ប្រព្រឹត្តទៅតាមការចូលសាលានាយទាហាន ដែលជ្រើសរើសយកបេក្ខជនឱ្យចូលសិក្សាជាសិស្សនាយទាហាន ដោយការប្រឡងប្រជែងក្នុងចំណោមនិស្សិត និងដោយសារប្រឡងប្រជែងក្នុងចំណោមយោធិន។ លក្ខខណ្ឌនៃការជ្រើសរើសនេះ ត្រូវកំណត់ដោយប្រកាសរបស់ក្រសួងការពារជាតិ។
ការដំឡើងឋានន្តរសក្តិនៃនាយទាហានអាជីពត្រូវគិតទៅតាមរយៈពេលបម្រើការងារកន្លងមក។ នាយទាហានអាជីពទាំងនោះ ត្រូវមានឈ្មោះក្នុងបញ្ជីអតីតភាព ដែលរៀបចំឡើងតាមលំដាប់សក្តិ និងតាមអង្គរបស់ខ្លួនទៅតាមអតីតភាពនៃនាយទាហានទាំងនោះ។
គឺជាអ្នកចូលបម្រើការងារដោយស្ម័គ្រចិត្តតាមកិច្ចសន្យា នៅក្នុងឋានន្តរសក្តិជាពលទាហាន និងជានាយទាហានរងនៅក្នុងកងយោធពលខេមរភូមិន្ទសម្រាប់៖
-មួយរយៈពេលដែលបានកំណត់
-ពេលមានសង្គ្រាមទាំងមូល ឬមួយរយៈ
ចំនួននិងលក្ខខណ្ឌនៃការជ្រើសរើស ត្រូវកំណត់ដោយអនុក្រឹត្យ។
យោធិនកំពុងជាប់កិច្ចសន្យាអាចសុំបន្តកិច្ចសន្យាបាន ចាប់ពីថ្ងៃចប់កិច្ចសន្យាមុន។
ឋានន្តរសក្តិ ស្ថានភាពបាត់បង់សុខភាព សមត្ថភាពការងារ ការហ្វឹកហ្វឺនវិជ្ជាជីវៈ ព្រមទាំងគុណប្រយោជន៍ចំពោះយោធិនជាប់កិច្ចសន្យា ត្រូវកំណត់ដោយអនុក្រឹត្យ៕
ដកស្រង់ចេញពី៖ ច្បាប់ស្តីពី លក្ខន្តិកៈទូទៅចំពោះយោធិននៃកងយោធពលខេមរភូមិន្ទ