បុគ្គលិកចំនួន២១នាក់​នៅក្នុង​ហាងខារ៉ាអូខេមួយកន្លែងឈ្មោះ Nong Mai នៅក្រុងបាងកក ប្រទេសថៃ បានឆ្លងកូវីដ១៩ ពី​មនុស្សម្នាក់​ដែលផ្ទុកជំងឺនេះ​មកពីខេត្តណុនថាបុរី។ នេះបើតាមអ្នកនាំពាក្យសាលាក្រុងបាងកក កាលពីថ្ងៃទី៣០ធ្នូ។

មុនរកឃើញ​ករណីឆ្លងថ្មីនេះ នៅក្រុងបាងកក​កាលពីម្សិលមិញ ក៏បានរកឃើញ​ករណីឆ្លង ១៧នាក់រួចមកហើយ។ ដូច្នេះសរុបមកទល់ពេលនេះ ក្រុងបាងកក មាន​ករណីឆ្លងកូវីដ១៩ ក្នុងសហគមន៍នេះ កើនឡើង​ដល់ ១២៥នាក់ហើយ៕