ហេតុការណ៍ដ៏រន្ធត់ធ្លាក់បំណែករ៉ុកែត ចិន បួនដងចារជាប្រវត្តិសាស្រ្ត

2021-05-10 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចិន ជាប្រទេសអភិវឌ្ឍកម្មវិធីអវកាសក្រោយគេហើយក៏មិនស្ថិតក្នុងបញ្ជីជាសមាជិកអាចធ្វើបេសកម្មរួមនឹងប្រទេសដទៃទៅកាន់ស្ថានីយ៍អវកាសអន្តរជាតិ។

ចិន ពិតជាដើរក្រោយគេរាប់ទស្សវត្សប្រាកដមែន បើធៀបជាមួយ សហភាពសូវៀត និងសហរដ្ឋអាមេរិក ជាដៃគូផងជាគូប្រជែងផងតាំងពីមុនឆ្នាំ ១៩៦០ ក្នុងការបាញ់បង្ហោះរ៉ុកែតនាំមនុស្សទៅទីអវកាស រហូតឈានដល់ការបង្កើត ស្ថានីយ៍អវកាសអន្តរជាតិ រួមគ្នាថែមទៀត។

រូបគម្រោង ស្ថានីយ៍អវកាសផ្ទាល់ខ្លួនរបស់ ចិន

ដោយហេតុតែទើបនឹងចាប់ផ្តើមក្នុងទស្សវត្ស ២០០០s [ ឆ្នាំ២០០៣អាចបង្ហោះយានបាន] ដូច្នោះហើយ ចិន មានមហិច្ចតាចង់ប្រជែងនិងធ្វើយ៉ាងណាត្រូវតែសម្រេចគោលដៅឡើងទៅអវកាសដោយខ្លួនឯងឲ្យបាន។ ភ្នាក់ងារអវកាស ចិន ធ្លាប់បរាជ័យដោយជួបហេតុការណ៍ផ្ទុះឆេះ ៤ ដងជាប្រវត្តិសាស្រ្ត ដូចមានរៀបរាប់ខាងក្រោម៖

-២៩ កញ្ញា 2011

ពេលផ្ទុះឆេះបែកជាផ្នែកតូចនៃ Space Lab ទីមួយរបស់ចិន

ជាឆ្នាំជោគជ័យដំបូងបំផុតនៃកម្មវិធីអវកាសចិន មានសមត្ថភាពអាចសំកាំងហោះ Space Lab ទីមួយចូលក្នុងគន្លងគោចរនៅរយៈកម្ពស់ ៣៥០ គីឡូម៉ែត្រពីផែនដី។ បន្ទាប់ពីជោគជ័យដ៏ធំធេងបំផុតសម្រាប់មាតុភូមិ និងអាចដំណើការបាន ៥ ឆ្នាំដល់ថ្ងៃកើតហេតុ ១ ខែមីនា ២០១៦ វាក៏ស្រាប់តែបាត់សញ្ញាគ្រប់គ្រងមិនបាននៃផ្នែកខ្លះ។

ភ្នាក់ងារអវកាសចិន អាចពន្យាពេលដល់ទៅ២ឆ្នាំពោលគឺនៅថ្ងៃទី ២ មេសា ២០១៨ ទើបផ្តាច់ Space Lab ឈ្មោះ Tiangong 1 នោះជាបំណែកពេលធ្លាក់មកស្រទាប់បរិយាកាសវិញឲ្យឆេះជាដុំភ្លើងដុំតូច ត្រូវបានគេរកឃើញនៅភាគខាងត្បូងមហាសមុទ្រប៉ាស៊ីហ្វិក។

-២៧ សីហា ២០១៦

ពេលបំណែកធ្លាក់លើភាគខាងលិចក្រុង Utah រដ្ឋ Colorado សហរដ្ឋអាមេរិក

ក្នុងបេសកម្មនាំយកគ្រឿងបង្គុំទៅសង់ស្ថានីយ៍អវកាសផ្ទាល់ខ្លួន តែត្រូវបានបរាជ័យកំណាត់ទីពីរទម្ងន់ ៦ តោននៃបំបែករ៉ុកែត ចិន Long march 7 បានធ្លាក់មកស្រទាប់បរិយាកាសវិញត្រូវបានគេរកឃើញថានៅលើភាគខាងលិចក្រុង Utah រដ្ឋ Colorado សហរដ្ឋអាមេរិក។

-ថ្ងៃទី ១ មេសា ២០១៧

បំណែកតូចៗ Space Lab ទីពីររបស់ចិន Tiangong 2

ចិន បានបង្ហោះ China’s Space Lab ទីពីរឈ្មោះថា Tiangong 2 ម្ដងនេះវាអាចគ្រប់គ្រងបាន តែវាមិននៅស្ថិតស្ថេរនោះទេ។ នៅថ្ងៃទី «១៩ កក្កដា ២០១៩ វាត្រូវបានគេកម្ទេចវាចោលតែម្ដងក្នុងបេសកម្មបញ្ជូនបច្ចេកវិទ្យានានា និងការដឹកជញ្ជូនផ្នែកផ្សេងៗក្នុងការសង់ស្ថានីយ៍អវកាសផ្ទាល់ខ្លួនដូចមុនដែរ។

-ថ្ងៃទី ២៩ មេសា ២០២១

កំណាត់ស្នូលម៉ូឌុលទម្ងន់ ២០ តោនរកឃើញធ្លាក់ជាបំណែកតូចៗនៅភាគខាងលិចកោះម៉ាល់ឌីវ

ចិន ក៏បានចាប់ដំណើការបេសកម្មសាងសង់ស្ថានីយ៍អវកាសផ្ទាល់ខ្លួនដដែល ពោលគឺម្ដងនេះបញ្ជូនកំណាត់ស្នូលម៉ូឌុលដ៏ធំទម្ងន់ជាង ២០ តោនតែត្រូវបរាជ័យជាថ្មី។ គេបានរកឃើញថា វាចរខុសគន្លងដែលបានគណនាទុក ហើយធ្លាក់ជាបំណែកតូចៗនៅភាគខាងលិចកោះម៉ាល់ឌីវ នៃមហាសមុទ្រឥណ្ឌា កាលពីថ្ងៃទី ៨ ខែឧសភា ២០២១ម្សិលម្ងៃ។

អំឡុងពេលរៀបបង្ហោះយាន Longue Marche- 5B ចេញពីមណ្ឌល Wenchang ខេត្ត/កោះហៃណាន

រំឮកផងដែរថា បន្ទាប់ពីបរាជ័យបាក់មុខលើឆាកអន្តរជាតិ ចិន ក៏សំងំអភិវឌ្ឍបច្ចេកវិទ្យាទំនើបៗនិងរៀបចំគម្រោងលើកម្មវិធីអវកាសឲ្យកាន់តែលម្អិត ស្រាប់តែកាលពីខែមករាឆ្នាំ ២០១៩ ចិន បានធ្វើឲ្យពិភពលោកភ្ញាក់ផ្អើលជាមួយនឹងសមត្ថភាពអាចបង្ហោះយានគ្មានមនុស្សបើកដោយជោគជ័យលើកដំបូងជាប្រវត្តិសាស្រ្ត ក្នុងការចុះចតយានមួយឈ្មោះ Chang'e-4 នៅលើផ្នែកម្ខាងទៀតនៃភពព្រះចន្ទ។

យានគ្មានមនុស្សបើករបស់ ចិន នៅលើផ្ទៃភពព្រះចន្ទ

នោះគឺជាតំបន់ឆ្ងាយបំផុតលើផ្ទៃភពព្រះចន្ទ ដែលមនុស្សលើផែនដីមិនអាចមើលឃើញ និងជាតំបន់ដែលមិនទាន់មានប្រទេសណាបញ្ជូនយានអវកាសទៅដល់នៅឡើយទេ ហើយក៏កំពុងស្រាវជ្រាវនៅទីនោះមកទល់បច្ចុប្បន្ន ទាំងដែលពួកគេមិនទាន់មានស្ថានីយ៍អវកាសផ្ទាល់ខ្លួនប្រើប្រាស់នៅឡើយផង។

យាននេះ នឹងប្រមូលគំរូនានាពីភពព្រចន្ទ មកកាន់ផែនដី។ បន្ថែមពីនេះ ចិន នឹងមានផែនការអនុវត្តបេសកកម្មដូចគ្នានេះ ទៅកាន់ភពអង្គារ ហើយក៏នឹងបញ្ជូនទៅកាន់ភពជូពិទ័រ ទៅថ្ងៃអនាគតផងដែរ៕