ធូរចិត្ត! វ៉ាក់សាំងចិន អាចការពារកូវីដពូជថ្មីដែលមានប្រភពនៅឥណ្ឌាបាន

2021-05-21 06:28:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការសិក្សាបឋមរកឃើញថា វ៉ាក់សាំងកូវីដ១៩របស់ចិន គឺអាចការពារវីរុសកូវីដ១៩បម្លែងថ្មីដែលមានប្រភពនៅឥណ្ឌា B1617បាន។ នេះបើតាមការបញ្ជាក់របស់លោក Shao Yiming អ្នកជំនាញនៅមជ្ឈមណ្ឌលគ្រប់គ្រងជំងឺឆ្លងនៃប្រទេសចិន ក្នុងសន្និសីទកាសែត កាលពីថ្ងៃទី២០ ខែឧសភា ឆ្នាំ២០២១។

លោកលើកឡើងថា ចិនបានផ្តោតការយកចិត្តទុកដាក់យ៉ាងខ្លាំងចំពោះវីរុសបម្លែងថ្មីដែលមានប្រភពនៅឥណ្ឌាមួយនេះ ហើយបានបើកការស្រាវជ្រាវ និងប្រមូលទិន្នន័យ។ វីរុសនេះ នឹងបន្តបម្លែងខ្លួនថែមទៀត ដូច្នេះការផ្លាស់ប្តូរជាច្រើន នឹងកើតឡើង។

ក្នុងន័យនេះ លោក Shao បានអះអាងថា នៅពេលវ៉ាក់សាំងប្រទេសដទៃដែលកំពុងមានបច្ចុប្បន្ន ប្រែទៅជាលែងមានប្រសិទ្ធភាពក្នុងការប្រឆាំងនឹងវីរុសបម្លែងថ្មីៗ គឺវ៉ាក់សាំងចិននឹងផ្តល់ដំណោះស្រាយយ៉ាងឆាប់រហ័ស ពោលគឺវ៉ាក់សាំងចិន នឹងត្រូវបង្កើនការផលិតយ៉ាងលឿន ដោយមិនចាំបាច់ផ្លាស់ប្តូរបច្ចេកទេសនៃការផលិតនោះទេ៕

ប្រភព៖ CGTN