នាយកដ្ឋានគ្រប់គ្រង​ជំងឺឆ្លងអាមេរិក (CDC) បាន​ព្យាករថា ករណីឆ្លងកូវីដ១៩ ការបញ្ជូនទៅមន្ទីរពេទ្យ និងករណីស្លាប់​ដោយសារជំងឺនេះ​នៅអាមេរិក នឹង​ធ្លាក់ចុះ​ក្នុងរយៈពេល​ ៤សប្តាហ៍ក្រោយ ដោយ​សារ​ការចាក់វ៉ាក់សាំង​បានច្រើនលើសលប់។

គួរដឹងថា គិតមកដល់ពេលនេះ រដ្ឋចំនួន១០ បាន​សម្រេចតាមគោលដៅ​របស់​រដ្ឋបាលបៃឌិន ដែល​ចាក់​វ៉ាក់សាំង​ដល់​មនុស្សវ័យជំទង់ ឱ្យបាន ៧០% ត្រឹម​ថ្ងៃ៤កក្កដាខាងមុខ យ៉ាងហោច១ដូស។

ជារួមគិតមកដល់ពេលនេះ ប្រជាជន​អាមេរិកប្រមាណ ៥០%ហើយ ដែល​បាន​ចាក់វ៉ាក់សាំង​យ៉ាងហោច ១ដូស ហើយជាង ៤០% គឺចាក់បានគ្រប់ដូស។ នេះបើយោងតាមទិន្នន័យរបស់ CDC។

គិតត្រឹមព្រឹកថ្ងៃទី៣១ឧសភានេះ អាមេរិកមានករណីឆ្លងកូវីដ១៩សរុប ជាង ៣៤,០៤លាននាក់ ក្នុងនោះស្លាប់ជាង ៦០,៩ម៉ឺន​នាក់ និងជាសះស្បើយជាង ២៧,៨៤លាននាក់៕