លេចធ្លាយថា ចិននឹងប្រើវ៉ាក់សាំងបរទេស ធ្វើជាដូសទី៣ លើអ្នកចាក់ Sinovac និង Sinopharm
- 2021-07-23 01:33:05
- ចំនួនមតិ 0 | ចំនួនចែករំលែក 0
លេចធ្លាយថា ចិននឹងប្រើវ៉ាក់សាំងបរទេស ធ្វើជាដូសទី៣ លើអ្នកចាក់ Sinovac និង Sinopharm
ចន្លោះមិនឃើញ
ចិន ត្រូវបានគេអះអាងថា កំពុងពិចារណាប្រើវ៉ាក់សាំងបរទេស ដែលប្រើបច្ចេកវិទ្យា mRNA ធ្វើជាដូសទី៣ លើអ្នកចាក់វ៉ាក់សាំងផលិតក្នុងស្រុកគ្រប់ដូសរួចដូចជា Sinovac និង Sinopharm ជាដើម។
យោងតាមទស្សនាវដ្តីហិរញ្ញវត្ថុចិន Caixin ឱ្យដឹងថា និយ័តករឱសថក្នុងប្រទេសចិន បានបញ្ចប់នូវការពិនិត្យរួចរាល់ក្នុងការចាក់ដូសបន្ថែម ដែលអភិវឌ្ឍរួមគ្នាដោយក្រុមហ៊ុន Fosun Pharma និងក្រុមហ៊ុន BioNTech ពោលគឺស្ថិតក្នុងដំណាក់កាលពិនិត្យរដ្ឋបាលហើយ។
គួរដឹងដែរថា អ្នកស្រាវជ្រាវចិន ក៏បានគ្រោងសិក្សាអំពីការចាក់វ៉ាក់សាំង CanSino ធ្វើជាដូសទី៣ សម្រាប់ចាក់បន្ថែមលើអ្នកដែលចាក់ Sinovac ឬ Sinopharm គ្រប់២ដូសរួច ដើម្បីបង្កើនប្រសិទ្ធភាពប្រឆាំងនឹងកូវីដ១៩។ គម្រោងសាកល្បងនេះ នឹងធ្វើលើមនុស្សស្ម័គ្រចិត្ត ៣០០នាក់ អាយុចាប់ពី ១៨ ដល់ ៥៩ឆ្នាំ។ អ្នកដែលចូលរួម មិនខ្វល់ថា ពួកគេចាក់បានដូសទី១ ឬបានគ្រប់២ដូសឡើយ ពោលគឺនឹងទទួលបានការចាក់ CanSino បន្ថែម១ដូសទៀត៕