នាយចឺម ប្រាប់ពីមូលហេតុដែលមិនយកសង្សារ

2017-10-13 08:23:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀង និងជាអ្នកកំប្លែង នាយ ចឺម បានប្រាប់ថា អំឡុងពេលនេះលោកបានបិទបេះដូងខ្លួនឯងឲ្យនៅទំនេររយៈពេល៥ ឆ្នាំ ដោយមិនទៅពាក់ព័ន្ធជាមួយនារីណាម្នាក់នោះទេ ព្រោះតែចង់បំពេញក្ដីបំណងដែលធ្លាប់សន្យាជាមួយ ឪពុកម្ដាយ នាពេលកន្លងមក។

នាយថា កន្លងមកខ្លួនបានសន្យាជាមួយ ម្ដាយឪពុកថា ដរាបណាខ្លួនមិនទាន់បានសាងសង់ វិឡាតឿជូនអ្នកមានគុណទាំងពីរទេ ដាច់ខាតមិនយកសង្សារ ឬយកប្រពន្ធឡើយ ព្រោះចង់ទុកពេលវេលារកលុយបន្ថែមដើម្បីជួយដល់ក្រុមគ្រួសារ។

នាយចឺម បញ្ជាក់ដូច្នេះថា៖ «ក្នុងនាមខ្ញុំជាកូនប្រុស បើសន្យាហើយត្រូវតែធ្វើឲ្យបានបង ដើម្បីពុកម៉ែខ្ញុំ អ៊ីចឹងហើយអំឡុងពេល ៥ ឆ្នាំខាងមុខនេះខ្ញុំមិនគិតគូររឿងស្នេហា ឬរឿងប្រពន្ធនោះទេ ផុតពី៥ ឆ្នាំទៅទើបខ្ញុំគិត»។

ក្មួយប្រុសនាយក្រូចរូបនេះបន្ថែមថា ក្រៅពីមានគម្រោងជួយឪពុកម្តាយ ក្នុងការសាងសង់ផ្ទះនៅឯខេត្តកំពង់ស្ពឺ ហើយនោះ នាយក៏មានគម្រោងជួយបងប្រុសបងស្រីឲ្យមានជីវភាពសមរម្យ បន្ទាប់មកទើបលៃលកទិញវិឡាមួយសម្រាប់រស់នៅខ្លួនឯងក្នុងទីក្រុងភ្នំពេញ៕

ប្រភព៖ Sabay News អត្ថបទ៖ ឆុង ស៊ីណាន