អាមេរិក យល់ព្រមលក់រថពាសដែក ៦០គ្រឿងឱ្យថៃហើយ

2019-07-31 08:12:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការបរទេសអាមេរិក បានបើកភ្លើងខៀវលក់រថពាសដែកStryker Infantry Carrier Vehicle ចំនួន៦០គ្រឿងរួមជាមួយឧបករណ៍គាំទ្រផ្សេងៗ ឱ្យទៅប្រទេសថៃហើយ ក្នុងតម្លៃសរុបប្រមាណ ១៧២លានដុល្លារ។ នេះបើតាមការប្រកាសក្នុងសេចក្តីថ្លែងការណ៍របស់ភ្នាក់ងារសហប្រតិបត្តិការសន្តិសុខការពារជាតិ។

រូបថត៖ វិបសាយ Military.com

សភាអាមេរិក បានទទួលសំណើនៃគម្រោងទិញរថពាសដែកនេះហើយ កាលពីថ្ងៃទី២៦ ខែកក្កដាកន្លងទៅ ហើយគ្រោងអនុម័តនាពេលខាងមុខ។

សេចក្តីថ្លែងការណ៍នេះបញ្ជាក់ថា ការលក់សព្វាវុធនេះ នឹងជួយគាំទ្រដល់គោលនយោបាយការបរទេស និងកម្មវត្ថុសន្តិសុខរបស់សហរដ្ឋអាមេរិក ដោយការជួយធ្វើឱ្យប្រសើរឡើងនូវសន្តិសុខរបស់សម្ព័ន្ធមិត្តមិនមែនជាសមាជិកអង្គការណាតូ ក្នុងតំបន់ឥណ្ឌូ-ប៉ាស៊ីហ្វិក។ រថពាសដែក Stryker នឹងបង្កើនសមត្ថភាពរបស់ថៃ ដើម្បីការពារអធិបតេយ្យភាពរបស់ខ្លួនប្រឆាំងនឹងការគំរាមកំហែង ហើយថៃនឹងគ្មានការពិបាកណាមួយឡើយក្នុងការដាក់សព្វាវុធទាំងនេះ ចូលក្នុងកងទ័ពរបស់ខ្លួន៕

អត្ថបទទាក់ទង៖ ថៃគ្រោងទិញនាវាមុជទឹកមួយគ្រឿងបន្ថែមទៀតពីចិន

ប្រភព៖ Bangkokpost ប្រែសម្រួល៖ សំភី