ទូត EU ថ្មីកោតសរសើរពីកម្ពុជាមានការរីកចម្រើនខ្លាំង

2019-11-08 08:53:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការ បរទេសនិងសហប្រតិបត្តិការអន្តរជាតិ ទទួលជួប លោកស្រី កាមែន ម៉ូរីណូ (Carmen Moreno) ឯកអគ្គរដ្ឋទូតថ្មីសហភាពអ៊ឺរ៉ុប នៅថ្ងៃទី៨ វិច្ឆិកា នេះ។

បន្ទាប់ពីចប់ជំនួបពិភាក្សា លោក កុយ គួង អ្នកនាំពាក្យក្រសួងការបរទេស មានប្រសាសន៏ឲ្យដឹងថា លោកស្រី ឯកអគ្គរដ្ឋទូតសហភាពអឺរ៉ុប បានជំរាបជូន ឧបនាយករដ្ឋមន្ត្រីថា លោកស្រីបន្តពង្រឹងភាពជាដៃគូជាមួយកម្ពុជា ហើយអ្វីដែលសហភាពអឺរ៉ុបមាននិងបន្តអនុវត្តបន្តទៀត។

លោកស្រី ឯកអគ្គរដ្ឋទូតបានកោកសរសើរពីកម្ពុជាមានការរីកចម្រើនខ្លាំង ទាំងសេដ្ឋកិច្ចនិងសង្គម។ សហភាពអឺរ៉ុបនៅតែបន្តជាដៃគូអភិវឌ្ឍនៅកម្ពុជា។ កន្លងមកសហភាពអឺរ៉ុបបានផ្តល់មកកម្ពុជា នាពេលកន្លងមកមានចំនួនប្រមាណ ៧០០លានដុល្លា និងផ្តល់ជំនួយដល់សាលាក្តីខ្មែរក្រហមប្រមាណ ២០លានដុល្លា។លោកស្រីក៏បាន សន្យាបន្តជម្រុញធុរកិច្ចអឺរ៉ុបចូលមកបណ្តាក់ទុនវិនិយោគនៅកម្ពុជាឲ្យបានច្រើន បន្តសហការផ្នែកសេដ្ឋកិច្ច ពាណិជ្ជ ទេសចរណ៏ និងវិស័យផ្សេងៗទៀត។

លោក កុយ គួងអ្នកនាំក្យក្រសួង ការបរទេសបានបញ្ជាក់ថា នៅក្នុង ជំនួបនោះភាគីទាំងពីរបានពិភាក្សាពី EBA ហើយលោកស្រី កាមែន ម៉ូរីណូ ត្រៀមសហការជាមួយកម្ពុជា ទាក់ទងនិងបញ្ហាអីប៊ីអេ EBAព្រោះគណៈកម្មាធិ ការសហភាពអឺរ៉ុប បានសហការជាមួយរាជរដ្ឋា ភិបាលកម្ពុជាពិភាក្សាលើករណី EBA សេចក្តីសម្រេចណាមួយនិងចេញលទ្ធផល នៅពេលខាងមុខ៕

អត្ថបទ៖ កុសល