Ansu Fati របស់បាសេឡូណាបំបែកកំណត់ត្រាមួយនៅ Champions League យប់មិញ

2019-12-11 03:43:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករវ័យក្មេង Ansu Fati អាចស៊ុតចូលបានមួយគ្រាប់នៅនាទី ៨៧ ក្រោយពេលគ្រូបង្វឹកទើបនឹងប្ដូរចូលនៅនាទី ៨៤ ធ្វើឲ្យរូបគេកាន់កំណត់ត្រាថ្មីគឺជាអ្នករកគ្រាប់បាល់វ័យក្មេងបំផុតនៅChampions League (១៧ ឆ្នាំនិង ៤០ ថ្ងៃ) ។

មិត្តរួមក្រុមមកអបអរ Fati /រូបថត៖ twiiterFCB

ក្រោយពេលបំបែកកំណត់ត្រាកីឡាករល្អៗជំនាន់មុន ឥឡូវនេះមកតាមដានបញ្ជីឈ្មោះកីឡាករវ័យក្មេងណាខ្លះធ្លាប់កាន់កំណត់ត្រាដ៏អស្ចារ្យមួយនេះ(គិតត្រឹមវគ្គសន្សំពិន្ទុតាមពូល)៖

រំឮកដែរ Ansu Fati ដែលទើបនឹងចុះកុងត្រាថ្មីថ្មោងជាមួយក្លឹប Barcelona មិនទាន់មានឈ្មោះលេង ១១ ដំបូងបានជាប់លាប់នៅឡើយទេ។ ចំណែកឯកំណត់ត្រាផ្សេងទៀតដែលធ្វើបាននៅយប់មិញដែរនោះគឺ បង្ហាញខ្លួននៅក្របខណ្ឌ UCL ក្មេងជាងគេ និងជាអ្នករកគ្រាប់បាល់វ័យក្មេងបំផុតឲ្យក្លឹប។ សម្រាប់លីគវិញ រូបគេក៏ជាប់ជាអ្នកបញ្ជូនបាល់ឲ្យមិត្តរួមក្រុម(Assist) ដែលមានអាយុតិចជាងគេផងដែរក្នុងប្រវត្តិសាស្រ្តលីគអេស្ប៉ាញ។

នៅជុំចុងក្រោយក្នុងវគ្គសន្សំពិន្ទុតាមពូល F ក្រុម Barcelona គ្រាន់តែប្រកួតបង្រ្គប់កិច្ចប៉ុណ្ណោះ ដោយឈ្នះ ២- ១ លើក្រុម Inter Milan ដែលធ្វើបានដោយ Carles Perez និង Ansu Fati ចំណែកអ្នកលេខ ២ ក្នុងពូលគឺ Dortmund អាចឈ្នះ Slavia Prague ២-១ ដូចគ្នាមាន ១០ ពិន្ទុគ្រប់គ្រាន់អាចឡើងទៅវគ្គ ១៦ ក្រុមចុងក្រោយ Champions League ៕

ទស្សនាវីដេអូខាងក្រោម៖