ផ្លូវល្បឿនលឿន៖ ភ្នំពេញ-ព្រះសីហនុ សម្រេចបាន ១០% ខណៈ ភ្នំពេញ-បាវិត ត្រូវបានចុះកិច្ចព្រមព្រៀង

2020-01-10 02:13:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងឱ្យដឹងថា ផ្លូវល្បឿនលឿនភ្នំពេញ-ខេត្តព្រះសីហនុ ត្រូវកសាងបានប្រមាណ១០ភាគរយ និងគ្រោងបញ្ចប់នៅខែកញ្ញា ឆ្នាំ២០២២។ ការថ្លែងនេះ ធ្វើឡើងនៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩ របស់ក្រសួង កាលពីថ្ងៃទី៩ ខែមករា ឆ្នាំ២០២០។

រូបថត៖ ក្រសួងសាធារណការ និងដឹកជញ្ជូន

សូមជម្រាបថា គម្រោងផ្លូវល្បឿនលឿនរាជធានីភ្នំពេញ-ក្រុងព្រះសីហនុ ប្រវែងប្រមាណ ១៩០,០៣៥ គីឡូម៉ែត្រ និងគ្រោងប្រើប្រាស់ថវិកាវិនិយោគ ប្រមាណ ២ ពាន់លានដុល្លារសហរដ្ឋអាមេរិក ដែលបានបើកការដ្ឋានសាងសង់កាលពីថ្ងៃទី២២ ខែមីនា ឆ្នាំ២០១៩។ ផ្លូវនេះតភ្ជាប់ពី ភូមិ ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ក្រុងព្រះសីហនុ។

លោក ស៊ុន ចាន់ថុល បន្ថែមថា ចំណែកផ្លូវល្បឿនលឿនមួយខ្សែទៀត គឺពីភ្នំពេញ-បាវិត ត្រូវបានចុះកិច្ចព្រមព្រៀងជាមួយក្រុមហ៊ុន China Railway International Group Co.,Ltd ដើម្បីសិក្សាហើយ៕

ចុចអាន៖

អត្ថបទ៖ សំភី