ខេត្តកែប និងមណ្ឌលគិរី នឹងកាន់តែទាក់ទាញ ក្រោយរាជរដ្ឋាភិបាលបង្កើតគណៈកម្មការនេះ
- 2020-01-17 06:29:53
- ចំនួនមតិ 0 | ចំនួនចែករំលែក 0
ខេត្តកែប និងមណ្ឌលគិរី នឹងកាន់តែទាក់ទាញ ក្រោយរាជរដ្ឋាភិបាលបង្កើតគណៈកម្មការនេះ
ចន្លោះមិនឃើញ
រាជរដ្ឋាភិបាលកម្ពុជា បានសម្រេចបង្កើតគណៈកម្មការអន្តរក្រសួង ដើម្បីសិក្សារៀបចំផែនការមេសម្រាប់ការអភិវឌ្ឍវិស័យទេសចរណ៍នៅខេត្តកែប និងខេត្តមណ្ឌលគិរី។ នេះបើតាមសេចក្តីសម្រេចចុះហត្ថលេខាដោយសម្តេចនាយករដ្ឋមន្រ្តី ហ៊ុន សែន កាលពីថ្ងៃទី១៥ ខែមករា ឆ្នាំ២០២០។
គណៈកម្មការនេះ មានលោក ថោង ខុន រដ្ឋមន្រ្តីក្រសួងទេសចរណ៍ ធ្វើជាប្រធាន និងអនុប្រធាន៥នាក់ ព្រមទាំងសមាជិក ១៧នាក់ទៀត ដោយមានតួនាទី និងភារកិច្ចដូចខាងក្រោម៖
-រៀបចំផែនការមេសម្រាប់ការអភិវឌ្ឍវិស័យទេសចរណ៍ក្នុងខេត្តកែប និងខេត្តមណ្ឌលគិរី ដើម្បីធានាបាននូវការអភិវឌ្ឍទេសចរណ៍ប្រកបដោយចីរភាព។
-សិក្សារៀបចំបង្កើតឱ្យមានផលិតផលទេសចរណ៍ថ្មីៗក្នុងខេត្តកែប និងខេត្តមណ្ឌលគិរី សំដៅបង្កើនការទាក់ទាញភ្ញៀវទេសចរបន្ថែម និងពន្យារការស្នាក់នៅរបស់ភ្ញៀវទេសចរ។
-ពិនិត្យ សិក្សា រៀបចំឱ្យមានជាព្រឹត្តិការណ៍ទេសចរណ៍ សិល្បៈកម្សាន្តធំៗនៅពេលយប់ ទាំងបុរាណ និងទំនើប ទាំងក្នុងក្របខណ្ឌជាតិ និងអន្តរជាតិ ដែលអាចសហការរៀបចំជាមួយវិស័យឯកជន នៅតាមទីតាំងគោលដៅទេសចរណ៍នានាក្នុងខេត្តទាំងពីរ។
-ពិនិត្យ សិក្សា រៀបចំរមណីយដ្ឋានទេសចរណ៍ធម្មជាតិ ដែលមានសក្តានុពលផ្សេងទៀត ក្នុងខេត្តទាំងពីរ៕