ក្លឹប២ នៅ Premier League នឹងចែកសំបុត្រហ្វ្រី ១០ មុឺនជូនបុគ្គលិកពេទ្យ ពេលការប្រកួតមកវិញ
- 2020-03-26 04:38:34
- ចំនួនមតិ 0 | ចំនួនចែករំលែក 0
ក្លឹប២ នៅ Premier League នឹងចែកសំបុត្រហ្វ្រី ១០ មុឺនជូនបុគ្គលិកពេទ្យ ពេលការប្រកួតមកវិញ
ចន្លោះមិនឃើញ
ក្លឹប Brighton និង Bournemouth បានប្រកាសផ្លូវការថា ក្លឹបសម្រេចចិត្តនឹងចែកសំបុត្រចូលទស្សនាបាល់ទាត់មិនគិតថ្លៃ (ហ្វ្រី) ជូនបុគ្គលិកសុខាភិបាលនៅចក្រភពអង់គ្លេស ដែលធ្វើការនៅស្ថាប័ន The National Health Service (NHS) ក្រោយពេលវិបត្តិវីរុសត្រូវបានដោះស្រាយ ឬពេលការប្រកួតបាល់ទាត់ Premier League ត្រឡប់មកវិញ។ សម្រាប់ Brighton នឹងចែកជូនចំនួន ១០ មុឺនសន្លឹក ឯ Bournemouth ចំនួន ១ ពាន់សន្លឹក។
លោក Paul Barber បានលើកឡើងថា ប្រសិនបើក្លឹបដទៃទាំង ៩២ អាចចូលរួមបានជាការប្រសើរ យ៉ាងហោចណាស់ ចែកជូន ១ ពាន់សន្លឹកក៏គ្រប់គ្រាន់ណាស់ទៅហើយ ដើម្បីជាការតបស្នងសងគុណវិញនូវការលះបង់ដ៏ធំធេងរបស់ពួកគេ ដែលខិតខំយ៉ាងខ្នះខ្នែងក្នុងការប្រយុទ្ធប្រឆាំងនឹងវីរុសដ៏កាចសាហាវ ។
គិតត្រឹមថ្ងៃទី ២៦ ខែមីនា ឆ្នាំ ២០២០ នេះវីរុសបានសម្លាប់មនុស្សនៅចក្រភពអង់គ្លេសចំនួន ៤៦៥ នាក់និងកំពុងឆ្លងចំនួន ៩៥២៩ នាក់ប៉ុន្តែក៏មានអ្នកជាសះស្បើយចំនួន ១៣៥ នាក់ផងដែរ។
រីឯកាលបរិច្ឆេទនៃការត្រឡប់វិញរបស់ Premier League បានកំណត់ជាបឋមនឹងចាប់ផ្តើមនៅថ្ងៃទី ៣០ ខែមេសា ២០២០ ដោយវិធានការប្រកួតនៅស្រពិចស្រពិលនៅឡើយ។ យ៉ាងណា បើវិបត្តិនៅតែមិនអាចដោះស្រាយបាន ការពិចារណាពន្យាពេលបន្ថែមនឹងកើតមានឡើងជាក់ជាមិនខាន៕