លោក ខៀវ កាញារីទ្ធ ស្នើឲ្យអ្នកនាំពាក្យ កុំឆ្លើយតបជាមួយអ្នកកាសែត បើមិនដឹងរឿងច្បាស់

2018-01-12 12:35:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានស្នើឲ្យអ្នកនាំពាក្យត្រូវក្ដោបព្រឹត្តិការណ៍ឲ្យជុំដើម្បីបេសសកម្មក្នុងនាមជាមន្រ្តីផ្តល់ព័ត៌មានដល់សារធាណជន តាមរយៈសារព័ត៌មានឲ្យបានច្បាស់ហើយបើដឹងមិនច្បាស់ កុំជំនះឆ្លើយតបជាមួយអ្នកសារព័ត៌មាន។ ការថ្លែងនេះ នៅក្នុងពិធីបិទវេទិកាអ្នកសារព័ត៌មាន និងអ្នកនាំពាក្យ ដែលរៀបចំឡើងដោយសហភាពសហព័ន្ធអ្នកសារព័ត៌មានកម្ពុជា (ស.ស.ស.ក) កាលពីរសៀលថ្ងៃទី១២ ខែមករា ឆ្នាំ២០១៨។

លោករដ្ឋមន្រ្តី អះអាងថា បើទោះបីជាគ្មានសាលាដើម្បីបង្រៀនអ្នកនាំពាក្យក៏ពិតមែន ប៉ុន្តែអ្នកនាំពាក្យត្រូវបានជ្រើសរើសចេញពីសាលាបណ្ដុះបណ្ដាលសារព័ត៌មាន (DMC)។

លោក ខៀវ កាញារីទ្ធ ថ្លែងនាពេលកន្លងមក

លោក ខៀវ កាញារីទ្ធ ចង់ឲ្យមានពិធីជួបជុំអ្នកសារព័ត៌មាន និងអ្នកនាំពាក្យតាមក្រសួងស្ថាប័នរបស់រដ្ឋ ដោយក្រុមអ្នកទាំងពីរប្រភេទនេះ គឺមានសារៈសំខាន់ដូចគ្នា ហើយត្រូវស្វែងយល់ពីគ្នាទៅវិញទៅមក និងស្នើឲ្យអ្នកសារព័ត៌មានទាំងអស់ កុំផ្ចាញ់ផ្ចាលអ្នកនាំពាក្យ។ លោកថា អ្នកសារព័ត៌មាន និងអ្នកនាំពាក្យប្រៀបដូចផ្នែកសំខាន់នៅក្នុងរាងកាយតែមួយ មិនអាចបាត់មួយបាននោះទេ៕