អម្ពរ ទេវី ប្រកាសមករស់នៅកម្ពុជាវិញ ព្រោះមូលហេតុ៣

2018-02-06 03:28:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាសម្ដែងជើងចាស់ អម្ពរ ទេវី បានប្រកាសថា អ្នកស្រីនឹងវិលត្រឡប់មករស់នៅលើទឹកដីកម្ពុជាវិញជាក់ជាមិនខាន នាពេលខាងមុខ ក្រោយចាកចេញទៅនៅសហរដ្ឋអាមេរិកអស់រយៈពេលជាច្រើនឆ្នាំកន្លងមក។

អ្នកស្រី អម្ពរ ទេវី បានបញ្ជាក់ថា ព្រោះតែមូលហេតុធំៗចំនួន៣ ទើបអាចអន្ទងចិត្តអ្នកស្រីវិលមករស់នៅកម្ពុជាវិញ ដូចជា ទី១ មិនអាចបំភ្លេចទឹកដីកំណើត ទី២ នឹករលឹកមិត្តសិល្បៈ និងទី៣ ចង់បរិភោគម្ហូបអាហារដែលខ្លួនពេញចិត្ត។

តារាជើងចាស់រូបនេះ បានឲ្យដឹងថា មិត្តសិល្បៈដែលអ្នកស្រីនឹករលឹកជាងគេគឺលោក ទេព រិនដារ៉ូ ដោយសារតែអ្នកស្រី និងលោក ទេព រិនដារ៉ូ ធ្លាប់បន្សល់ទុកនូវអនុស្សាវរីយ៍ច្រើនជាមួយគ្នានៅលើវិថីសិល្បៈខ្មែរ។ ចំពោះម្ហូបអាហារវិញ អ្នកស្រីប្រាប់ថា អ្នកស្រីពេញនឹងទឹកគ្រឿងខ្មែរជាងគេ ដែលមានអន្លក់ច្រើនសម្បូរបែប ពិសេសគឺផ្កាកំប្លោកដ៏មានឱជារស៕

អត្ថបទ៖ Men Sokna