លីគកំពូលម៉ាឡេស៊ី៖ សុខផេង និងធារី បង្ហាញខ្លួនលើកទី២ តែលទ្ធផលមិនសូវគាប់ប្រសើរ

2018-02-07 03:00:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករកម្ពុជា ២រូប គឺ កែវ សុខផេង និងធារី ចន្ថាប៊ីន នៅតែបន្តជាប់ក្នុងជម្រើសដំបូងក្នុងក្រុមរៀងៗខ្លួន ក្នុងការប្រកួតលីគកំពូលម៉ាឡេស៊ី សប្ដាហ៍ទី២ កាលពីយប់មិញនេះ។

កែវ សុខផេង ក្នុងការប្រកួតទល់នឹង Johor កាលពីយប់មិញ (រូបភាព៖ PKNP FC)

កែវ សុខផេង ដែលស៊ុតបញ្ចូលទី១គ្រាប់ជួយឲ្យ PKNP ទទួលបាន ៣ពិន្ទុកាលពីសប្ដាហ៍ដំបូង នៅតែជាតួអង្គសំខាន់នៅតំបន់ប្រយុទ្ធរបស់ PKNP ដដែល ប៉ុន្តែមិនអាចទម្លុះសំណាញ់ទីក្រុមខ្លាំង Johor Darul Ta'zim បាននោះឡើយ។ ចប់ការប្រកួត ក្រុមម្ចាស់ផ្ទះ Johor ឈ្នះ PKNP ៣-០។

ចំណែក ធារី ចន្ថាប៊ីន បានរួមចំណែកជួយឲ្យក្រុម Terengganu ទទួលលទ្ធផលស្មើ ជាលើកទី២ ពោលគឺស្មើ Kelantan ១-១។ កាលពីសប្ដាហ៍ដំបូង Terengganu ស្មើ PKNS ២-២។

ធារី ចន្ថាប៊ីន លើទីលានហ្វឹកហាត់ មុនការប្រកួតយប់មិញ (រូបភាព៖ Terengganu)

នៅយប់ថ្ងៃពុធនេះវិញ កីឡាករប្រាក់ មុន្នីឧត្តម និង ចាន់ វឌ្ឍនាកា ក៏រំពឹងថានឹងអាចបង្ហាញខ្លួនក្នុងជម្រើសដំបូងផងដែរ។ ក្រុម Negeri Sembilan របស់ប្រាក់ មុន្នីឧត្តម ត្រូវប៉ះក្រុម Kuala Lumpur នាម៉ោង ៨យប់ ចំណែកក្រុម Pahang របស់ CV11 ជួប PKNS នាម៉ោង ៨ដូចគ្នា៕

អត្ថបទ៖ សុខ សុវត្ថិ