តម្លៃពលកម្ម សម្រាប់កម្មករគ្មានជំនាញ-មានជំនាញ-មេជាង-វិស្វករ ក្នុងវិស័យសំណង់

2018-02-12 03:51:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តាមការស្រាវជ្រាវក្នុងឆ្នាំ ២០១៧ បានឲ្យដឹងថា តម្លៃពលកម្មសម្រាប់កម្មករគ្មានជំនាញក្នុង១ថ្ងៃ អាចទទួលបានពី ៣៥០០០រៀល ដល់ ៤ម៉ឺនរៀល កម្មករមានជំនាញ និងមេជាង ទទួលបានពី ៥ម៉ឺនរៀល ដល់ ៧៥០០០រៀល។ ចំពោះវិស្វករ ស្ថាបត្យករ និងអ្នកជំនាញផ្សេងទៀតក្នុង១ខែ អាចទទួលបានប្រាក់បៀវត្សពី ៤០០ ទៅ ២៥០០ដុល្លារ។ នេះបើតាមរបាយការណ៍បូកសរុបលទ្ធផលនៃការអនុវត្តការងារឆ្នាំ២០១៧ របស់ក្រសួងដែនដី នគរូបនីយកម្ម និងសំណង់ ចេញផ្សាយកាលពីខែមករា ឆ្នាំ២០១៨។

នៅក្នុងឆ្នាំ២០១៧ វិស័យសំណង់បានបង្កើតការងារពី ២៥,៥ម៉ឺននាក់ ទៅ ២៦ម៉ឺននាក់ក្នុង១ថ្ងៃគិតជាមធ្យម។ ដោយឡែកនៅរាជធានីភ្នំពេញ មានចំនួនកម្មករប្រមាណពី ១២,៥ម៉ឺននាក់ ទៅ ១៣ម៉ឺននាក់ក្នុង១ថ្ងៃ។

ចំនួននេះ គឺកើនឡើង ៤០,៥៤% បើប្រៀបធៀបនឹងរយៈពេលដូចគ្នាក្នុងឆ្នាំ២០១៦ ដែលមានចំនួនកម្មករគិតជាមធ្យមប្រមាណពី ១៨ម៉ឺននាក់ ទៅ ១៨,៥ម៉ឺននាក់ក្នុង១ថ្ងៃ សម្រាប់ទូទាំងប្រទេស៕

អត្ថបទ៖ សំភី