គ.ជ.ប រៀបចំការងាររួចរាល់ហើយ សម្រាប់ការបោះឆ្នោតព្រឹទ្ធសភា

2018-02-24 07:46:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឌឹម សុវណ្ណារុំ សមាជិក និងជាអ្នកនាំពាក្យ គ.ជ.ប បានឲ្យដឹងថា គ.ជ.ប បានរៀបចំដំណើរការបោះឆ្នោតព្រឹទ្ធសភា នាថ្ងៃអាទិត្យ ទី២៥ ខែកុម្ភៈស្អែកនេះ បានរួចរាល់អស់ហើយ។ ក្នុងនោះ សម្ភារៈនានា ដែលនឹងត្រូវប្រើប្រាស់ សម្រាប់បម្រើឲ្យការបោះឆ្នោត ក៏បានដឹកជញ្ជូនទៅកាន់មណ្ឌលបោះឆ្នោតនានាទូទំាងប្រទេសរួចរាល់ហើយផងដែរ។

លោក ឌឹម សុវណ្ណារុំ បន្ថែមថា នៅថ្ងៃសៅរ៍ ទី២៤កុម្ភៈនេះ ដែលជាថ្ងៃស ដែលគ្រប់គណបក្សនយោបាយទំាងអស់ មានភាពស្ងប់ស្ងាត់ ដោយអនុវត្តន៍បានល្អ តាមច្បាប់ស្តីពីការបោះឆ្នោត។ បន្ថែមលើសពីនេះ រូបភាពអសកម្មនានា ក៏មិនមានអ្វីកើតឡើង គួរឲ្យចាប់អារម្មណ៍ឡើយដែរ។

ការបោះឆ្នោតជ្រើសរើសសមាជិកព្រឹទ្ធសភា នឹងធ្វើឡើង នៅថ្ងៃអាទិត្យ ទី២៥ ខែកុម្ភៈ ស្អែកនេះ ចាប់ពីម៉ោង ៧ ព្រឹក ដល់ម៉ោង ៣ រសៀល។ នៅថ្ងៃទី២៤ ខែកុម្ភៈនេះ ជាថ្ងៃស ដែលគ.ជ.ប កំណត់ថា មិនឲ្យគណបក្សនយោបាយណាមួយ ធ្វើសកម្មភាពឃោសនាបោះឆ្នោតទៀតនោះទេ។

គួររំឭកថា គណបក្សនយោបាយ៤ ដែលចូលរួមការបោះឆ្នោតជ្រើសតាំងសមាជិកព្រឹទ្ធសភានីតិកាលទី៤នេះ រួមមាន គណបក្សប្រជាជនកម្ពុជា គណបក្សហ្វ៊ិនស៊ិនប៉ិច គណបក្សយុវជនកម្ពុជា និងគណបក្សខ្មែររួបរួមជាតិ។ ការបោះឆ្នោតព្រឹទ្ធសភា ឆ្នាំ២០១៨ នេះ មានការិយាល័យបោះឆ្នោតចំនួន ៣៣ ដែលមានអ្នកបោះឆ្នោត ជាសមាជិករដ្ឋសភា និងសមាជិកក្រុមប្រឹក្សាឃុំសង្កាត់ក្នុងតំណែងសរុប ១១៦៩៥ នាក់៕

អត្ថបទ៖ លីហៀង