វីរបុរសរបស់ Man Utd ផ្ដាំទៅកីឡាករបាល់ទាត់អាជីពកម្ពុជា រឿងគោរពវិន័យ

2018-03-10 06:12:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Ryan Giggs នៅថ្ងៃទី១០ មីនានេះ បានផ្ដាំទៅយុវជន ក៏ដូចជាកីឡាករបាល់ទាត់កម្ពុជាទាំងអស់ ៣ចំណុច ប្រសិនបើពួកគេចង់ក្លាយជាកីឡាករអាជីព ប្រកបដោយគុណតម្លៃខ្ពស់។ ក្នុងនោះ លោកក៏បានលើកពីការគោរពវិន័យផងដែរ។

ក្នុងសន្និសីទសារព័ត៌មានកាលពីព្រឹកមិញ Giggs បានថ្លែងថា ការគោរពវិន័យ គឺជារឿងចាំបាច់បំផុតសម្រាប់បុគ្គលគ្រប់រូប មិនមែនមានតែសម្រាប់កីឡាករនោះទេ។ ប្រសិនបើពួកគេមិនគោរពវិន័យទេ នោះទោះជាខ្លាំងប៉ុណ្ណាក៏ដោយ ក៏មិនជោគជ័យដែរ។

ចំណែក ២ចំណុចទៀត លោកបានលើកឡើងពីការប្រឹងប្រែងហ្វឹកហាត់ និងការស្រឡាញ់អាជីព។ ចំពោះចំណុចនេះលោកថា ការប្រឹងប្រែងហ្វឹកហាត់នោះ គឺលោកចង់និយាយថា គ្រប់កីឡាករទាំងអស់មិនមែន ចេះដោយខ្លួនឯង ពូកែដោយខ្លួនឯងនោះទេ។ កីឡាករសុទ្ធតែមានការប្រឹងប្រែងខ្លាំង ដើម្បីឲ្យសមត្ថភាពកាន់តែកើតឡើង និងទទួលបានជោគជ័យ។ រីឯការស្រឡាញ់អាជីព លោកបញ្ជាក់ថា វានឹងធ្វើឲ្យកីឡាករទាំងអស់មានអារម្មណ៍មិនចេះហត់ មិនចេះនឿយឡើយសម្រាប់ការលេងបាល់ទាត់នេះ។

សូមបញ្ជាក់ថា Ryan Giggs មកកម្ពុជារយៈពេល២ថ្ងៃ ដើម្បីចូលរួមកម្មវិធី Tiger Street Football Festival 2018 និងបានចូលរួមចែករំលែកបទពិសោធរបស់ខ្លួនក្នុងវិស័យបាល់ទាត់ផងដែរ៕

អត្ថបទ៖ មុន្នីរម្យ