ឈុតសម្លៀកបំពាក់របស់ Giggs ពេលមកខ្មែរ មានតម្លៃប៉ុន្មាន?

2018-03-13 04:23:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងដំណើរទស្សនកិច្ចផ្លូវការ ៣ថ្ងៃរបស់កីឡាករលំដាប់ពិភពលោក Ryan Giggs មកកម្ពុជាតាមការអញ្ជើញរបស់ក្រុមហ៊ុន CBL ក្នុងព្រឹត្តិការណ៍ Tiger Street Football Festival 2018 អតីតកីឡាករក្រុមបិសាចក្រហម Manchester United រូបនេះបានស្លៀកពាក់បែបសាមញ្ញបំផុត គឺខោខូវប៊យ អាវយឺត Tiger ស្បែកជើងប៉ាត់តា និងនាឡិកាដៃបែបស្ពតពណ៌ខ្មៅ។ សម្លៀកបំពាក់ដ៏សាមញ្ញរបស់កីឡាករលំដាប់ពិភពលោកស្លៀកក្នុងកម្មវិធីនេះ មានតម្លៃប៉ុន្មាន?

ខោខូវប៊យ របស់កីឡាកររូបនេះស្លៀកក្នុងកម្មវិធីនេះគឺ ម៉ាក Dolce & Gabbana Blue Cotton Jeans។ តម្លៃខោ ម៉ាកDGមួយនេះលក់ក្នុងវេបសាយ amazon មានតម្លៃ ៥០២ អឺរ៉ូ គិតជាដុល្លារ ប្រហែល ៦០០ដុល្លារ។

ស្បែកជើងម៉ាក adidas X PLR លក់ក្នុងវេបសាយ ebay មានតម្លៃ ១១០អឺរ៉ូ គិតជាដុល្លារជាង១៣០ដុល្លារ។

នាឡិកាដៃម៉ាក HUBLOT Big Bang Unico Titanium លក់ក្នុងវេបសាយ ebay មានតម្លៃ ១ម៉ឺន ៦ពាន់ដុល្លារ។

សរុបជារួមទៅ មួយតួខ្លួនរបស់តារាឆ្នើមរបស់បិសាចក្រហមមកកម្ពុជានេះ មានតម្លៃជិត ២ម៉ឺនដុល្លារឯណោះ។ ដោយតម្លៃនេះមិនបូកជាមួយអាវរបស់ Giggs ពាក់នោះទេ ព្រោះរូបគេពាក់អាវរបស់ Tiger ធម្មតាប៉ុណ្ណោះ៕

អត្ថបទ៖ លន ហ្សាឌីណា