សត្វស្លាប៣០ប្រភេទ ត្រូវបង្ហាញក្នុងពិព័រណ៍សត្វស្លាបកម្ពុជា

2018-03-17 07:30:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រូបថតសត្វស្លាបដ៏កម្រ និងជិតផុតពូជ នៅក្នុងប្រទេសកម្ពុជា ចំនួន ៣០ប្រភេទ ព្រមទាំងស្តង់តាំងពិព័រណ៍រូបសត្វស្លាប ដោយមានព័ត៌មានបន្ថែមចំនួន ៦០ ត្រូវបានរៀបចំ ដាក់តម្រៀបគ្នាតាមលំដាប់ បង្ហាញចែកជូនមហាជន ចូលទស្សនាដោយសេរី ក្នុងកម្មវិធីពិព័រណ៍សត្វស្លាបកម្ពុជា លើកដំបូង ដែលបានចាប់ផ្តើមនៅថ្ងៃសៅរ៍ ទី១៧ ខែមីនានេះ នៅបរិវេណរមណីយដ្ឋានវត្តភ្នំ ក្នុងរាជធានីភ្នំពេញ។

ពិព័រណ៍សត្វស្លាបនៅកម្ពុជា លើកទី១ នេះ ត្រូវរៀបចំឡើងដោយក្រសួងបរិស្ថាន និងអង្គការផ្នែកបរិស្ថាន ចាប់ពីថ្ងៃទី១៧ ដល់ថ្ងៃទី១៨ ខែមីនា ឆ្នាំ២០១៨ នៅរមណីយដ្ឋានវត្តភ្នំ ក្រោមប្រធានបទ "សក្ដានុពលទេសចរណ៍ធម្មជាតិ និងសត្វស្លាបនៅកម្ពុជា"។ក្រៅពីទស្សនារូបថតសត្វស្លាបកម្រ មហាជនក៏អាចទទួលបានចំណេះដឹង ទាក់ទងនឹងការអភិរក្សសត្វស្លាប នៅកម្ពុជាផងដែរ។

នៅក្នុងពិព័រណ៍រយៈពេល ២ថ្ងៃនេះ ក៏មានកម្មវិធីប្រកួតប្រជែងថតរូបសត្វស្លាប ដើម្បីជំរុញការចូលរួមស្រឡាញ់សត្វស្លាប ថែរក្សាធនធានធម្មជាតិ និងផ្សព្វផ្សាយពីសក្ដានុពលទេសចរណ៍ធម្មជាតិនៅកម្ពុជា៕