កម្ពុជា ចាត់ទុកការប្រកួតជាមួយអាហ្វហ្គានីស្ថាន ជារឿងសំខាន់ ដោយសារហេតុផល១

2018-03-26 06:38:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជា បានថ្លែងថា ការប្រកួតចុងក្រោយ ឬការប្រកួតបង្គ្រប់កិច្ច នៅពូល C វគ្គជម្រុះជុំទី៣ ពានរង្វាន់ AFC Asian Cup 2019 ទល់នឹងក្រុមអាហ្វហ្គានីស្ថាន ជាជំនួបដ៏សំខាន់មួយ ទោះបីជាកម្ពុជា អស់ឱកាសឡើងទៅវគ្គបន្តក៏ដោយ។

លោក ប្រាក់ សុវណ្ណារ៉ា

អតីតគ្រូបង្វឹកក្លឹបបឹងកេតដដែលបានឲ្យដឹងក្នុងសន្និសីទសារព័ត៌មាន នៅប្រទេសតាហ្ស៊ីគីស្ថាននារសៀលថ្ងៃទី២៦ខែមីនានេះថា វាជាជំនួបដែលកម្ពុជាត្រូវការដណ្ដើមយកជ័យជម្នះ ដើម្បីឆ្ពោះទៅមុខ និងដំឡើងពិន្ទុនៅក្នុងចំណាត់ថ្នាក់ FIFA Ranking សម្រាប់កម្ពុជា។

ក្រុមជម្រើសជាតិកម្ពុជា

លោកបន្តថា លោកនឹងផ្ដល់ឱកាសឲ្យកីឡាករយុវជន ដើម្បីបានបង្ហាញសមត្ថភាពនៅក្រៅប្រទេស។ ជាមួយគ្នានេះ ការប្រកួតដដែល ត្រូវធ្វើឡើងនៅទឹកដីកណ្ដាល ពោលគឺនៅប្រទេសតាហ្ស៊ីគីស្ថាន ដូច្នេះ វាមិនមែនជាផ្ដល់សម្ពាធខ្លាំងសម្រាប់កូនក្រុមរបស់លោកឡើយ។

ក្រុមអាហ្វហ្គានីស្ថាន

សូមបញ្ជាក់ថា កម្ពុជា នឹងត្រូវប៉ះអាហ្វហ្គានីស្ថាន នៅថ្ងៃទី២៧ ខែមីនា ឆ្នាំ២០១៨ ស្អែកនេះ វេលាម៉ោង ៩ យប់ (ម៉ោងនៅកម្ពុជា)។ កាលពីជួបគ្នាកន្លងទៅ កម្ពុជា បានឈ្នះ អាហ្វហ្គានីស្ថាន ដោយលទ្ធផល ១-០ នៅពហុកីឡដ្ឋានជាតិ រាជធានីភ្នំពេញ៕

អត្ថបទ៖ លាភ.