កម្ពុជារកឃើញប្រាសាទបុរាណថ្មីមួយ ដែលលាក់ខ្លួននៅកណ្ដាលព្រៃក្នុងខេត្ត១

2018-03-29 06:29:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីថ្ងៃទី២៨ ខែមីនា ឆ្នាំ២០១៨ ក្រុមអ្នកបុរាណវិទ្យាមួយ បានបង្ហាញពីការរកឃើញប្រាសាទបុរាណមួយនៅក្នុងព្រៃ ដែលមានព្រៃវល្លិដុះព័ទ្ធជុំជិត ហើយដុំថ្មប្រាសាទបាក់ធ្លាក់រប៉ាត់រប៉ាយពេញព្រៃ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា។

លោក ពៅ អ៊ីង ជាអ្នកបុរាណវិទ្យាម្នាក់ក្នុងចំណោមអ្នកស្រាវជ្រាវជាច្រើនដែលបានទៅដល់ប្រាសាទបុរាណនោះ បានឲ្យដឹងថា ការរកឃើញប្រាសាទតាតុញ នេះ គឺស្ថិតនៅក្នុងព្រៃ នាភូមិទំនប់ថ្មី (ទំនប់ខ្នុរ) ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្ដរមានជ័យ។ អ្នកស្រាវជ្រាវ របស់មន្ទីរវប្បធម៌ និងវិចិត្រសិល្បៈខេត្តឧត្ដរមានជ័យរូបនេះ ប្រាប់បន្តថា ការបង្ហាញនូវការរុករកឃើញប្រាសាទបុរាណថ្មីនេះ បានធ្វើឲ្យប្រជាពលរដ្ឋ និងអ្នកស្រឡាញ់ប្រាសាទបុរាណ ក៏ដូចជាអ្នកស្រឡាញ់វប្បធម៌ មានការកោតសរសើរ និងត្រេកអរយ៉ាងខ្លាំង។

បើទោះជាយ៉ាងនេះក្ដី អាយុកាល និងលក្ខណៈជាក់លាក់របស់ប្រាសាទតាតុញ នៅមិនទាន់ការបញ្ជាក់ឲ្យដឹងច្បាស់នោះទេ៕