ដែនជម្រកសត្វព្រៃថ្មីមួយ នឹងលេចវត្តមាននៅកម្ពុជា
- 2018-04-09 23:48:46
- ចំនួនមតិ 0 | ចំនួនចែករំលែក 0
ដែនជម្រកសត្វព្រៃថ្មីមួយ នឹងលេចវត្តមាននៅកម្ពុជា
ចន្លោះមិនឃើញ
យោងតាមអនុក្រឹត្យរបស់រដ្ឋាភិបាលដែលបានចុះថ្ងៃទី០៥ មេសា ២០១៨ កម្ពុជាបានបង្កើតដែនជម្រកសត្វព្រៃថ្មីមួយមានឈ្មោះថា "សង្ឃរុក្ខាវ័ន" ដែលមានផ្ទៃដីសរុបចំនួន ៣០ ២៥៤ហិកតា។ ដែនជម្រកនេះមានទីតាំងស្ថិតនៅក្នុងភូមិសាស្ត្រស្រុកអន្លង់វែង ស្រុកចុងកាល និងក្រុងសំរោង ខេត្តឧត្ដរមានជ័យ។
បើតាមអនុក្រឹត្យដដែល គោលបំណងនៃការបង្កើតដែនជម្រកសត្វព្រៃនេះឡើងមានដូចជា៖
ដើម្បីធានាឲ្យមានការថែទាំទីជម្រកសត្វព្រៃ និងប្រព័ន្ធអេកូឡូស៊ី សារព័ន្ធមជ្ឈដ្ឋានធម្មជាំតិ ព្រមទាំំងធានាឲ្យមានការបំពេញលក្ខខណ្ឌចាំបាច់សម្រាប់ប្រភេទណាមួយនៃសត្វព្រៃ រុក្ខជាតិ និងជីវៈចម្រុះ
រក្សាលំនឹងបរិស្ថាន ការពារ និងអភិរក្សធនធានធម្មជាតិ និងរួមចំណែកកាត់បន្ថយការប្រែប្រួលអាកាសធាតុ និងហានិភ័យគ្រោះមហន្តរាយធម្មជាតិ
ផ្ដល់ផលិតផល និងសេវាកម្មធម្មជាតិ សម្រាប់ការប្រើប្រាស់ដោយនិរន្តរភាព
លើកទឹកចិត្តឲ្យមានការចូលរួមរបស់សហគមន៍មូលដ្ឋាន ក៏ដូចជាអ្នកពាក់ព័ន្ធក្នុងការថែរក្សាការពារអភិរក្ស និងការប្រើប្រាស់ធនធានធម្មជាតិដោយនិរន្តរភាព៕