ថៃ បញ្ចុះបញ្ចូល IOC ឲ្យដាក់កីឡាប្រដាល់ "Muay Thai" ចូលជាប្រភេទកីឡាអូឡាំពិក

2018-04-18 01:58:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកប្រាយុទ្ធ ចាន់អូចា នាយករដ្ឋមន្រ្ដីថៃ បានជំរុញឲ្យលោក Thomas Bach ប្រធានគណៈកម្មាធិការអូឡាំពិកអន្តរជាតិ (IOC) ជួយធ្វើយ៉ាងណាឲ្យកីឡាប្រដាល់ Muay Thai ត្រូវបានដាក់បញ្ចូលក្នុងព្រឹត្តិការណ៍ប្រកួតកីឡាអូឡាំពិក ឆ្នាំ២០២៤។

លោកប្រាយុទ្ធ បានពិភាក្សាបញ្ហានេះ ជាមួយលោក Bach អំឡុងកិច្ចប្រជុំរវាងភាគីទាំងពីរ នៅវិមានរដ្ឋាភិបាលថៃ កាលពីថ្ងៃអង្គារ ទី១៧ មេសាម្សិលមិញនេះ។

លោកប្រាយុទ្ធចាន់អូចា (ស្ដាំ) ចាប់ដៃលោក Thomas Bach ប្រធាន IOC នៅវិមានរដ្ឋាភិបាលថៃ កាលពីថ្ងៃអង្គារ (រូបភាព៖ Bangkok Post)

អ្នកនាំពាក្យរដ្ឋាភិបាលថៃ លោក Weerachon Sukhontapatipak បានប្រាប់ក្រុមអ្នកសារព័ត៌មាននៅក្រោយកិច្ចប្រជុំនោះថា៖ "លោកនាយករដ្ឋមន្រ្ដី បានស្នើប្រធាន IOC ជួយជំរុញ ធ្វើយ៉ាងណាឲ្យកីឡាប្រដាល់ Muay Thai ត្រូវបានដាក់បញ្ចូលក្នុងព្រឹត្តិការណ៍កីឡាអូឡាំពិក លើកទី៣៣ ឆ្នាំ២០២៤ នៅទីក្រុងប៉ារីស"។

ជាការឆ្លើយតប លោក Bach បានប្រាប់លោកប្រាយុទ្ធថា មានចំណុចច្រើនដែលត្រូវលើកមកពិចារណា មុនពេលសម្រេចដាក់ប្រភេទកីឡាណាមួយ ចូលក្នុងព្រឹត្តិការណ៍កីឡាអូឡាំពិក។ ចំណុចមួយចំនួនក្នុងចំណោមនោះ គឺមានដូចជា ភាពពេញនិយមនៃប្រភេទកីឡានោះនៅទូទាំងពិភពលោក ប្រវត្តិនៃប្រភេទកីឡានោះ រួមទាំងការអភិវឌ្ឍថ្នាលយុវជនផងដែរ៕