តុលាការ កោះហៅលោក សម រង្ស៊ី ឱ្យចូលបំភ្លឺរឿង "ប្រមាថព្រះមហាក្សត្រ"

2018-06-20 06:28:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ កាលពីថ្ងៃទី១៩ ខែមិថុនា ឆ្នាំ២០១៨ បានចេញដីកាកោះហៅ លោក សម រង្ស៊ី ប្រធានចលនាសង្គ្រោះជាតិ ដើម្បីសាកសួរអំពីដំណើររឿង "ករណី ពាក់ព័ន្ធការប្រមាថព្រះមហាក្សត្រនៃព្រះរាជាណាចក្រកម្ពុជា តាមគណនីហ្វេសប៊ុករបស់លោក ជាបន្តបន្ទាប់ នៅក្នុងខែមិថុនា ឆ្នាំ២០១៨"។

សាលាដំបូងរាជធានីភ្នំពេញ បានកោះហៅលោក សម រង្ស៊ី ឱ្យចូលឆ្លើយបំភ្លឺនៅព្រឹកថ្ងៃទី១២ ខែកក្កដា ឆ្នាំ២០១៨។

លោក សម រង្ស៊ី ថ្លែងនាពេលកន្លងមក

សូមជម្រាបថា ការចេញដីកាកោះហៅអតីតប្រធាន នៃអតីតគណបក្សសង្គ្រោះជាតិរូបនេះ គឺបន្ទាប់ពី លោក អង្ស វង្សវឌ្ឍានា រដ្ឋមន្ត្រីក្រសួងយុត្តិធម៌ បានបញ្ជាឱ្យអយ្យការអមសាលាដំបូងរាជធានីភ្នំពេញ ធ្វើការចោទប្រកាន់លើលោក សម រង្ស៊ី ដែលបានលើកឡើងថា ព្រះរាជសារព្រះមហាក្សត្រ ដែលអំពាវនាវឲ្យពលរដ្ឋទៅបោះឆ្នោតថ្ងៃទី២៩ កក្កដា ឆ្នាំ២០១៨ ជាព្រះរាជសារក្លែងក្លាយ ឬក៏ជាព្រះរាជសារមួយដែលបានធ្វើឡើងក្រោមការគំរាមកំហែង៕

អត្ថបទពាក់ព័ន្ធ៖ ក្រសួងយុត្តិធម៌ បញ្ជាឱ្យចាត់វិធានការលើលោក សម រង្ស៊ី ដែលថាព្រះរាជសារព្រះមហាក្សត្រ ក្លែងក្លាយ

អត្ថបទ៖ សំភី