គួច សុកុម្ភៈ ទម្លាយមូលហេតុប៉ាក់ពាក្យថា “U Can Speak” លើស្បែកជើង

2018-07-03 10:12:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានក្រុមណាហ្គាវើល គួច សុកុម្ភៈ បានពន្យល់ពីអត្ថន័យនៃការប៉ាក់ពាក្យភាសាអង់គ្លេសថា "U Can Speak" នៅលើស្បែកជើងថា គឺជាការលើកទឹកចិត្ត និងបន់ស្រន់មួយដល់កូនប្រុសរបស់គាត់ ដែលមានជំងឺលូតលាស់សតិបញ្ញាយឺត។ នេះជាការចុះផ្សាយរបស់គណៈកម្មការប្រកួតបាល់ទាត់កម្ពុជា (CNCC) នៅថ្ងៃទី៣កក្កដា។

ស្បែកជើងរបស់ គួច សុកុម្ភៈ មានប៉ាក់ពាក្យជាភាសាអង់គ្លេសថា "U Can Speak" (រូបថត៖ CNCC)

វេបសាយរបស់ CNCC បន្តថា អតីតខ្សែបម្រើជម្រើសជាតិពន្យល់ពីអក្សរមួយឃ្លានេះថា៖ ***«ខ្ញុំប៉ាក់អក្សរនេះ ជាការលើកទឹកចិត្ត និង បន់ស្រន់ដល់កូនប្រុសរបស់ខ្ញុំ ដែលគាត់មានជំងឺអូទីស្សឹម ជាប្រភេទជំងឺលូតលាស់សតិបញ្ញាយឺត និងខ្សោយទំនាក់ទំនងក្នុងសង្គម គឺគាត់អត់និយាយតែម្ដង។ គាត់អាយុ៥ឆ្នាំហើយ តែគាត់អត់និយាយ អត់សូវស្គាល់អ្វីៗជុំវិញខ្លួន បត់ដៃបត់ជើងអត់ប្រាប់ជាដើម។ គ្រូពេទ្យប្រាប់ដែរថា អត់អាចជា១០០ភាគរយវិញទេ តែអាចប្រសើរជាងមុនបើធ្វើតាមវិធីសាស្ត្របង្រៀនគាត់ ហើយឃើញថា ២ឆ្នាំចុងក្រោយនេះ គាត់ស្គាល់ និង ស្ដាប់បានច្រើនដែរ។ ជាឪពុកម្នាក់ ខ្ញុំពិតជាពិបាកចិត្តបំផុត តែខ្ញុំនៅតែរំពឹងថា កូនប្រុសជាទីស្រលាញ់របស់ខ្ញុំអាចនិយាយបាន និង ត្រលប់ទៅសភាពដូចកូនក្មេងធម្មតានៅថ្ងៃណាមួយ»***។

កីឡាករមានប្រភពពីខេត្តកំពង់ធំរៀបរាប់ទៀតថា ធ្លាប់យកកូនទៅព្យាបាលដល់ប្រទេសថៃ តែគ្រូពេទ្យនៅទីនោះផ្ដល់ដំបូន្មានថា ឲ្យធ្វើតាមវិធីសាស្ត្រដែលពេទ្យនៅស្រុកខ្មែរបានប្រាប់ ព្រោះពុំមានវិធីអ្វីផ្សេងក្រៅពីការព្យាយាមបង្រៀនកូនដោយផ្ទាល់នោះទេ។