លោក សម រង្ស៊ី ត្រូវតុលាការកោះហៅឲ្យចូលបំភ្លឺករណីប្រមាថព្រះមហាក្សត្រ

2018-07-12 02:36:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រះរាជអាជ្ញារងអមសាលាដំបូងរាជធានីភ្នំពេញ លោកសៀង សុខ បានកោះហៅលោក សម រង្ស៊ី ឲ្យចូលបំភ្លឺនៅព្រឹកថ្ងៃទី១២ ខែកក្កដា ឆ្នាំ២០១៨ នេះ ពាក់ព័ន្ធនឹងករណីប្រមាថព្រះចេស្ដាព្រះមហាក្សត្រ។

លោក សម រង្ស៊ី អតីតប្រធាននៃអតីតគណបក្សសង្គ្រោះជាតិ

សូមបញ្ជាក់ថា លោក អង្គ វង្ស វឌ្ឍនា រដ្ឋមន្ត្រីក្រសួងយុត្តិធម៌ បានធ្វើអធិបញ្ជាឱ្យតំណាង អយ្យការអមសាលាដំបូងរាជធានីភ្នំពេញ ចាត់ការតាមផ្លូវច្បាប់ ចំពោះលោកសម រង្ស៊ី ដែលប្រមាថ ព្រះមហាក្សត្រ រឿងព្រះរាជសារក្លែងក្លាយ ចុះថ្ងៃទី១៨ ខែឧសភា ឆ្នាំ២០១៨ ដែលអំពាវនាវ ឱ្យប្រជាពលរដ្ឋទៅបោះឆ្នោត នាចុងខែកក្កដាខាងមុខ។

យោងតាមច្បាប់ថ្មីស្តីពីការប្រមាថព្រះមហាក្សត្រ លោក សម រង្ស៊ី អាចប្រឈមនឹងការជាប់ពន្ធនាគារពី១ឆ្នាំ ទៅ៥ឆ្នាំ និងពិន័យជាប្រាក់២លានរៀល ទៅ១០លានរៀល៕

ប្រភព៖ ដើមអម្ពិល ប្រែសម្រួល៖ ឈាង.