ដំណោះស្រាយរបស់រាជរដ្ឋាភិបាល ក្រោយស្រូវអ៊ីអ៊ែ ជួបបញ្ហាតម្លៃ

2018-07-19 04:13:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងពាណិជ្ជកម្ម និងធនាគារអភិវឌ្ឍន៍ជនបទ នឹងពិនិត្យលទ្ធភាពប្រើប្រាស់នីតិវិធីសម្រាប់ផ្តល់ប្រាក់កម្ចីជូនម្ចាស់រោងម៉ាស៊ីនកិនស្រូវ និងអ្នកនាំចេញ យកទៅធ្វើជាទុនបង្វិល ដើម្បីប្រមូលទិញស្រូវអ៊ីអ៊ែរ ដោយយកស្រូវនៅក្នុងស្តុកជាវត្ថុបញ្ចាំ ។ ដំណោះស្រាយនេះ ត្រូវបានធ្វើឡើងដើម្បីឆ្លើយតបទៅនឹងការធ្លាក់ចុះតម្លៃស្រូវអ៊ីអ៊ែរនៅកម្ពុជា ដែលកំពុងកើតឡើង។

ប្រជាកសិករ កំពុងស្ទូងស្រូវ នាពេលកន្លងមក (រូបតំណាង)

យោងតាមសេចក្តីប្រកាសព័ត៌មានរបស់ក្រសួងពាណិជ្ជកម្ម កាលពីថ្ងៃទី១៨ ខែកក្កដា បញ្ជាក់ថា តម្លៃស្រូវអ៊ីអ៊ែរ បានធ្លាក់ចុះប្រមាណ១៥% នៅថ្ងៃទី១៦ ខែកក្កដា បើធៀបនឹងថ្លៃស្រូវនៅខែមិថុនា ឆ្នាំ២០១៨ កន្លងទៅ។ តម្លៃស្រូវនេះ ត្រូវបានរកឃើញដោយក្រុមអ្នកជំនាញ ក្រោយចុះទៅប្រមូលព័ត៌មាននៅតំបន់ផលិតកម្មស្រូវសំខាន់ៗដូចជា ខេត្តបាត់ដំបង កំពង់ធំ កំពង់ចាម ព្រៃវែង និងតាកែវ ។

មូលហេតុនៃការធ្លាក់ចុះតម្លៃស្រូវនេះ ត្រូវបានរកឃើញថា ដោយសារមានកំណើនកម្ពស់ទឹក និងការធ្លាក់ភ្លៀងជោកជាំ បណ្តាលឱ្យមានសំណើមខ្លាំង រោងម៉ាស៊ីនកិនស្រូវ និងអ្នកនាំចេញមានកង្វះខាតទុនបង្វិលដើម្បីទិញស្រូវស្តុកទុក គួបផ្សំនឹងការធ្លាក់ថ្លៃនៃអង្ករអ៊ីអ៊ែរ ក្នុងទីផ្សារអន្តរជាតិចំនួន ៥០ដុល្លារ ក្នុង១តោន។

គូសបញ្ជាក់ថា ជាទូទៅ ទិន្នផលស្រូវអ៊ីអ៊ែរទទួលបានជាមធ្យម ៦តោនក្នុងមួយហិកតា ហើយតម្លៃស្រូវបច្ចុប្បន្នជាមធ្យម ៨០០រៀលក្នុងមួយគីឡូក្រាម។ ផលចំណូលពីការលក់ស្រូវមួយហិកតាស្មើនឹង ៤,៨លានរៀល ដោយទូទាត់ជាមួយថ្លៃដើមនៃការផលិត ជាមធ្យមចំនួន ២,៨លានរៀល ពោលគឺប្រជាកសិករ នៅតែទទួលបានប្រាក់ចំណេញជាមធ្យមចំនួន ២លានរៀលក្នុងមួយហិកតា ។ នេះបើតាមសេចក្តីប្រកាសព័ត៌មានរបស់ធនាគារអភិវឌ្ឍន៍ជនបទ កាលពីថ្ងៃទី១៨កក្កដា៕

ប្រភព៖ Vayo Fm ប្រែសម្រួល៖ សំភី