បឹងកេត ចេញ Logo ថ្មី សម្រាប់ប្រើប្រាស់នៅរដូវកាលក្រោយ

2018-07-24 02:12:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់បឹងកេត បានបង្ហាញនិមិត្តសញ្ញា (Logo) ថ្មី ដែលខ្លួនគ្រោងប្រើប្រាស់ជាផ្លូវការ ចាប់ពីរដូវកាលក្រោយតទៅ។ នេះបើតាមការបង្ហោះនៅលើទំព័រហ្វេសប៊ុកផ្លូវការរបស់ក្លឹបបឹងកេត កាលពីយប់ថ្ងៃទី២៣ ខែកក្កដា ឆ្នាំ២០១៨។

និមិត្តសញ្ញាថ្មីរបស់បឹងកេត (រូបភាព៖ ក្លឹបបាល់ទាត់បឹងកេត)

ប្រភពខាងលើបន្តថា និមិត្តសញ្ញាថ្មីនេះ ត្រូវបានរចនាឡើងដោយផ្អែកលើលំនាំដើមនៃនិមិត្តសញ្ញាបច្ចុប្បន្នដែលក្លឹបបាននិងកំពុងប្រើប្រាស់តាំងពីឡើងមកកាន់លីគកំពូលក្នុងឆ្នាំ២០១២មក ហើយច្នៃបន្ថែមដើម្បីឲ្យមានភាពទាន់សម័យ និងទំនើបភាព ស្របទៅតាមយុគសម័យថ្មីនៃបាល់ទាត់។

បឹងកេតបានពន្យល់ថា ក្លឹបបាល់ទាត់អាជីពនានានៅជុំវិញពិភពលោកបានធ្វើការកែសម្រួលនិមិត្តសញ្ញារបស់ពួកគេពីមួយពេលទៅមួយពេល ដើម្បីបង្កើនភាពស្រស់ស្អាត និងទាន់សម័យ។ ក្លឹបបឹងកេត តែងតែព្យាយាមគិតដើម្បីអភិវឌ្ឍក្លឹបឲ្យកាន់តែរីកចម្រើនឡើង ហើយនេះជាលើកដំបូងដែលបឹងកេតធ្វើបច្ចុប្បន្នភាពនិមិត្តសញ្ញារបស់ខ្លួន៕

អត្ថបទ៖ លាភ.