Ramos និង Klopp បន្ដរិះគន់គ្នាទៅវិញទៅមក

2018-08-14 22:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែការពារ Sergio Ramos របស់ Real Madrid បានរិះគន់កំណត់ត្រាមិនល្អរបស់គ្រូបង្វឹកក្លឹប Liverpool លោក Jurgen Klopp ក្នុងការប្រកួតវគ្គផ្ដាច់ព្រ័ត្រជាច្រើន។ ការរិះគន់នេះ បានធ្វើឡើងកាលពីថ្ងៃទី១៤ ខែសីហា ២០១៨ ម្សិលមិញ។

ខ្សែការពារ Sergio Ramos របស់ Real Madrid/ រូបភាព៖ Reuters

ការរិះគន់នេះ គឺក្រោយលោក Klopp កាលពីពេលថ្មីៗនេះ បានបន្ដរិះគន់ Ramos សម្រាប់ការធ្វើឲ្យរបួស Mohamed Salah និងការប៉ះទង្គិចគ្នាជាមួយអ្នកចាំទី Loris Karius អំឡុងពេល Liverpool ចាញ់ Real Madrid ១-៣ ក្នុងការប្រកួត Champios League វគ្គផ្ដាច់ព្រ័ត្រ កាលពីខែឧសភា កន្លងទៅ។

Ramos បានប្រាប់អ្នកសារព័ត៌មានមុនជំនួបប្រកួត UEFA Super Cup ជាមួយ Atletico Madrid ថា "វាមិនមែនវគ្គផ្ដាច់ព្រ័ត្រទីមួយទេ ដែលគាត់ [Klopp] បានចាញ់ គាត់គួរតែយកចិត្តទុកដាក់ជាមួយភារកិច្ចរបស់គាត់"។

សូមបញ្ជាក់ថា លោក Klopp ដែលថា Ramos ឈ្លើយ និងសាហាវ បានបរាជ័យនៅវគ្គផ្ដាច់ព្រ័ត្រចំនួន ៧ដង ក្នុងអាជីពគ្រូបង្វឹករបស់លោក៕

ប្រភព៖ Channelnewsasia ប្រែសម្រួល៖ វាសនា