គណបក្សហ៊្វុនស៊ិនប៉ិច ព្រមានមន្ត្រីខ្លួនរឿង "មានអ្នករត់ការចង់បានតំណែង"

2018-08-16 01:40:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយការលើកឡើងរបស់សម្តេច ហ៊ុន សែន ថា "មានមនុស្សមួយចំនួនក្នុងគណបក្សហ៊្វុនស៊ិនប៉ិច កំពុងរត់ការយកលុយ" ដើម្បីតួនាទីណាមួយដែលរាជរដ្ឋាភិបាលប្រគល់ជូននោះ មន្រ្តីជាន់ខ្ពស់គណបក្សហ៊្វុនស៊ិនប៉ិច បានព្រមានថា បុគ្គលណា ឬក្រុមណានៅក្នុងគណបក្ស ហើយមានការពាក់ព័ន្ធចំពោះករណីនេះ គឺត្រូវទទួលខុសត្រូវចំពោះមុខច្បាប់។

យោងតាមសេចក្តីជូនដំណឹងរបស់លោក យូ ហុកគ្រី អនុប្រធានគណបក្សហ៊្វុនស៊ិនប៉ិច និងជាប្រធានគណៈកម្មការដោះស្រាយកិច្ចការទូទៅ កាលពីថ្ងៃទី១៥ ខែសីហា ឆ្នាំ២០១៨ថា បានបញ្ជាក់យ៉ាងដូច្នេះថា៖ «ចំពោះបញ្ហានេះ យើងបានហាមឃាត់ដាច់ខាត ពីព្រោះមិនមែនជានយោបាយរបស់គណបក្សហ៊្វុនស៊ិនប៉ិច ដែលនាំទៅដល់ការប្រព្រឹត្តអំពើពុករលួយនោះទេ»។

លោក យូ ហុកគ្រី

សូមរំលឹកថា កាលពីព្រឹកថ្ងៃទី១៥សីហាម្សិលមិញ សម្តេច ហ៊ុន សែន បានថ្លែងក្នុងពិធីសំណេះសំណាលជាមួយកម្មករ កម្មការិនី នៅខណ្ឌសែនសុខ ថា មានមន្រ្តីមួយចំនួននៅក្នុងគណបក្សហ៊្វុនស៊ិនប៉ិច និងគណបក្សខ្មែររួបរួមជាតិ យកលុយរត់ការ ដើម្បីទទួលបានតំណែងនៅក្នុងរាជរដ្ឋាភិបាល៕

អត្ថបទ៖ សោភា