ស៊ី ជីនពីង អបអរជ័យជម្នះរបស់សម្ដេច ហ៊ុន សែន

2018-08-16 02:08:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ី ជីនពីង អគ្គលេខាធិការនៃមជ្ឈិមបក្សកុម្មុយនិស្ដចិន បានអបអរសាទរសម្ដេច ហ៊ុន សែន កាលពីថ្ងៃទី១៥ ខែសីហា ២០១៨ ក្រោយគណបក្សប្រជាជនកម្ពុជា (CPP) បានឈ្នះអាសនៈសភាទាំង ១២៥ ក្នុងការបោះឆ្នោតកាលពីពេលថ្មីៗនេះ។

សម្ដេច ហ៊ុន សែន នាយករដ្ឋមន្រ្តីកម្ពុជា និងលោក ស៊ី ជីនពីង ប្រធានាធិបតីចិន ក្នុងជំនួបនៅក្រុងភ្នំពេញ កាលពីឆ្នាំ២០១៦

លោក ស៊ី ថា លោកពេញចិត្តដែលឃើញថានៅប៉ុន្មានឆ្នាំចុងក្រោយនេះ ក្រោមការដឹកនាំរបស់សម្ដេច ហ៊ុន សែន កម្ពុជាបានទទួលស្ថិរភាពនយោបាយ ការអភិវឌ្ឍសេដ្ឋកិច្ចយ៉ាងលឿន ការបន្ដលើកកម្ពស់កេរ្ដិ៍ឈ្មោះរបស់ខ្លួនលើឆាកអន្តរជាតិ និងការទទួលបានសមិទ្ធផលនានាក្នុងវិស័យជាច្រើនទៀត។

លោក ស៊ី បន្ដថា "យើងជឿជាក់ថា គណបក្សប្រជាជនកម្ពុជានឹងបន្តរួបរួម នឹងដឹកនាំប្រជាជនកម្ពុជា ដើម្បីដើរតាមផ្លូវអភិវឌ្ឍដែលសាកសមសម្រាប់លក្ខខណ្ឌរបស់ខ្លួន លើកកម្ពស់ការអភិវឌ្ឍសេដ្ឋកិច្ច ជីវភាពរស់នៅរបស់ប្រជាជន ពង្រឹងការរួបរួមជាតិ និងចូលរួមកាន់តែខ្លាំងបន្ថែមទៀតដើម្បីវិបុលភាពជាតិកម្ពុជា សុភមង្គលប្រជាជន ស្ថិរភាព និងការអភិវឌ្ឍក្នុងតំបន់"៕

ប្រភព៖ CGTN ប្រែសម្រួល៖ វាសនា