ស្រូវពូជ សែនក្រអូប នៅរក្សាថ្លៃសមរម្យ ខណៈពោតក្រហម មានតម្លៃថ្លៃល្អ

2018-08-30 04:07:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្រូវស្រាលដើមរដូវពូជសែនក្រអូប និងស្រូវពូជអ៊ីអ៊ែរ៨៥ នៅរក្សាថ្លៃសមរម្យ មកទល់ជិតចុងរដូវប្រមូលផលនេះ ស្របពេលដែលគ្រាប់ពោតក្រហមវិញ ក៏មានតម្លៃថ្លៃល្អដែរ នារដូវប្រមូលផលឆ្នាំនេះ។

កសិករ កំពុងច្រូតកាត់

យោងតាមសន្ទស្សន៍ថ្លៃមុខទំនិញរបស់មន្ទីរពាណិជ្ជកម្មខេត្តបន្ទាយមានជ័យ មកទល់ថ្ងៃទី២៨ ខែសីហា លោក ប៉ុក ឡាយជី ប្រធានមន្ទីរឲ្យដឹងថា ស្រូវពូជសែនក្រអូប(សើម) តម្លៃ ១១០០រៀល/គក្រ ថ្លៃជាងថ្លៃគ្រាគោល ១០៦០រៀល/គក្រ។ (ស្ងួត) ១៣៦១រៀល/គក្រ ថ្លៃជាងគ្រាគោល តម្លៃ១២៤៨រៀល/គក្រ។

រីឯស្រូវអ៊ីអ៊ែរ (សើម) តម្លៃ ៧៤២រៀល/គក្រ ថោកជាងថ្លៃគ្រាគោល ដែលមានតម្លៃ ៧៤៨,៧រៀល/គក្រ។ ចំពោះមើមដំឡូងមី (ស្រស់) តម្លៃ ២៨៣រៀល/គក្រ ថ្លៃជាងគ្រាគោលដែលមានតម្លៃ ២៣៧,១រៀល /គក្រ។ (ស្ងួត) តម្លៃ ៧៦៣រៀល/គក្រ ថោកជាងគ្រាគោលដែលមានតម្លៃ ៦៧៣,៩រៀល/គក្រ។ ចំណែកគ្រាប់ពោតក្រហម (ស្ងួត) (ពោតចំណីសត្វ) វិញ មានតម្លៃ ៥៥៦រៀល/គក្រ ថ្លៃជាងគ្រាគោលដែលមានតម្លៃ ៤៩២,៤រៀល/គក្រ។

ចំណែកប្រជាកសិករនិងឈ្មួញកណ្តាល នៅស្រុកមង្គលបូរី ឲ្យដឹងកាលពីថ្ងៃទី២៩ខែសីហាថា អត្រាតម្លៃស្រូវសែនក្រអូបតាំងពីដើមរដូវ ពាក់កណ្តាល និងជិតចុងរដូវប្រមូលផលនេះ មានស្ថិរភាពតម្លៃសមរម្យល្អ បើប្រៀបធៀបនឹងរយៈពេលដូចគ្នា នាឆ្នាំ២០១៧។ ដោយឆ្នាំនេះ រក្សាតម្លៃបានពី ៨,៣បាតទៅ ៨,៧បាត/គក្រ (ជាង១ពាន់រៀល)។ ក្នុងនោះឈ្មួញកណ្តាលមកពីបុគ្គលចម្រុះ និងមកពីសហគមន៍ទិញស្រូវនៃសមាគមធនាគារស្រូវកម្ពុជា បានប្រកួតប្រជែងគ្នាចុះទិញ តាមគោលដៅជាប់នឹងវាលស្រែ។ ហើយមិនទាន់មានសញ្ញានៃករណីពួកគេ បង្អាប់ថ្លៃស្រូវកសិករឡើយ៕

ប្រភព៖ រស្មីកម្ពុជា ប្រែសម្រួល៖ លាភ.