Liverpool បន្តឈ្នះជាប់ៗគ្នា ខណៈ Man Utd បានត្រឹមស្មើ ឯ Spurs បញ្ចប់ការចាញ់

2018-09-23 01:12:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហង្សក្រហម Liverpool បានបន្តជ័យជម្នះជាប់ៗគ្នានៅសប្តាហ៍ទី៦នេះ ទៅលើក្រុម Southampton ៣-០ ក្នុង Premier League កាលពីយប់មិញ។ ៣គ្រាប់នេះ ធ្វើបាននៅតង់ទី១ ទាំងអស់ គឺនាទី១០ (ទាត់ចូលទីខ្លួនឯងដោយ Hoedt) នាទី២១ ដោយ Matip និងនាទី ៤៥+៣ ដោយ Salah។

Salah បង្ហាញទឹកមុខញញឹមក្រោយស៊ុតចូលទី Southampton នៅម៉ោងបន្ថែមតង់ទី១។ រូបថត៖ Reuters

ក្រៅពីនេះ ក្រុម Manchester City ក៏បានទទួលជ័យជម្នះផងដែរ ដោយបំបាក់ក្រុមម្ចាស់ផ្ទះ Cardiff ៥-០។ ឯ Tottenham Hotspur បានបញ្ចប់នូវការបរាជ័យ ៣ប្រកួតជាប់ៗគ្នាកន្លងមក ពោលគឺកាលពីយប់មិញនេះ បានយកឈ្នះ Brighton ២-១។ ដោយឡែកក្រុមបិសាចក្រហម Manchester United បានត្រឹមស្មើជាមួយក្រុមភ្ញៀវ Wolves ១-១ តែប៉ុណ្ណោះ។

លទ្ធផលបណ្តោះអាសន្ននេះ គឺ Liverpool កំពុងនាំមុខគេក្នុងតារាង មាន ១៨ពិន្ទុ Manchester City លេខ២ មាន ១៦ពិន្ទុ និងChelsea លេខ៣ មាន១៥ពិន្ទុ (នឹងត្រូវប្រកួតជាមួយ West Ham នៅយប់នេះ)។ ចំណែក Spurs និង Man Utd ស្ថិតនៅលេខ៥ (១២ពិន្ទុ) និងលេខ៦ (១០ពិន្ទុ)៕

ប្រភព៖ BBC ប្រែសម្រួល៖ សំភី