ក្រុមស៊ីដក់កម្ពុជា ឡើងដល់វគ្គផ្ដាច់ព្រ័ត្រ ដណ្ដើមមេដាយមាស ពាន King's Cup នៅថៃ

2018-09-26 02:37:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមជម្រើសជាតិសីដក់កម្ពុជា បានឡើងដល់វគ្គផ្ដាច់ព្រ័ត្រ ដណ្ដើមមេដាយមាស វិញ្ញាសា ៣នាក់ ទល់ ៣នាក់ ក្រោយយកឈ្នះក្រុមអូម៉ង់ នៅវគ្គពាក់កណ្ដាលផ្ដាច់ព្រ័ត្រ ពានរង្វាន់ King's Cup 2018 នៅប្រទេសថៃ កាលពីថ្ងៃទី២៥ ខែកញ្ញា ឆ្នាំ២០១៨ ម្សិលមិញនេះ។

ការប្រកួតផ្ដាច់ព្រ័ត្រ នឹងត្រូវធ្វើឡើងនាម៉ោង ១២:៣០នាទីថ្ងៃត្រង់ ថ្ងៃទី២៦ ខែកញ្ញានេះ ដោយកម្ពុជា ត្រូវប៉ះក្រុមអូស្រ្ដាលី។ មុនឡើងប៉ះកម្ពុជា នាវគ្គផ្ដាច់ព្រ័ត្រ ក្រុមសីដក់អូស្រ្ដាលី បានយកឈ្នះក្រុមសីដក់ប្រេស៊ីល។

កីឡាករសីដក់កម្ពុជា (ក្រហម) នាការប្រកួតកន្លងមក (រូបភាព៖ Chhorn Sokhom)

សូមបញ្ជាក់ថា វិញ្ញាសា ៣នាក់ ទល់ ៣នាក់ មានប្រទេសចំនួន ១៤ ចូលរួមប្រកួតប្រជែង ដោយចែកចេញជា ៤ពូល។ កម្ពុជា បានឆ្លងផុតពូល A ដែលមានបារាំង និងបង់ក្លាដែស រួចបន្តទម្លាក់អាល្លឺម៉ង់ នៅវគ្គ ៨ក្រុមចុងក្រោយ និងឈ្នះអូម៉ង់ វគ្គពាក់កណ្ដាលផ្ដាច់ព្រ័ត្រ។

[ខ្លីៗ] នឹងផ្សាយជូនប្រិយមិត្តជាបន្តទៀត ពីលទ្ធផលនៃការប្រកួតនេះ៕