បឹងកេត ធ្វើពិធីបើកការដ្ឋានសាងសង់កីឡដ្ឋាន នៅបឹងស្នោ

2018-10-05 10:08:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបឹងកេត បានឱ្យដឹងនៅរសៀលថ្ងៃទី៥តុលានេះថា ថ្នាក់ដឹកនាំរបស់ក្លឹប បានរៀបចំពិធីសែនព្រេន ដើម្បីបើកការដ្ឋានសាងសង់កីឡដ្ឋានគម្រោងទី១របស់ខ្លួន កាលពីព្រឹកមិញ។ កីឡដ្ឋាននេះ មានទីតាំងនៅតំបន់បឹងស្នោ ខណ្ឌច្បារអំពៅ រាជធានីភ្នំពេញ។

រូបគំរូកីឡដ្ឋានរបស់បឹងកេត នៅបឹងស្នោ

បើតាមការបង្ហោះនៅលើទំព័រហ្វេសប៊ុករបស់ក្លឹបបឹងកេត ឱ្យដឹងថា ការសាងសង់កីឡដ្ឋាននេះ គ្រោងនឹងបញ្ចប់ឲ្យរួចរាល់មុនរដូវកាលក្រោយ ដើម្បីត្រៀមស្វាគមន៍ការប្រកួតលីគកំពូលកម្ពុជា ពានរង្វាន់ Hun Sen Cup ក៏ដូចជាពានរង្វាន់អន្ដរជាតិផ្សេងៗផងដែរ។

«ក្រៅអំពីការចូលរួមទស្សនាការប្រកួតនានាក្នុងទឹកដីរបស់យើងនៅកីឡដ្ឋានថ្មីនេះ អ្នកគាំទ្រក៏អាចរីករាយទទួលយកនូវបទពិសោធន៍ថ្មី ជាមួយការដើរកម្សាន្ត ទិញទំនិញផ្សេងៗ ទទួលទានអាហារឆ្ងាញ់ៗក្នុងភោជនីយដ្ឋានដែលមានផាសុខភាព លេងកីឡា ឬហាត់ប្រាណនៅកន្លែង Gym ដែលបំពាក់ដោយឧបករណ៍ទំនើបៗផងដែរ»។ ក្លឹបបឹងកេត បញ្ជាក់បន្ថែម៕