៥យ៉ាង ដែលគួរដឹងពីការប្រកួតវគ្គផ្តាច់ព្រ័ត្រ Malaysia Cup របស់ Terengganu

2018-10-22 02:26:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹប Terengganu ដែលមានការរួមចំណែកពីខ្សែបម្រើកម្ពុជា ធារី ចន្ថាប៊ីន បានឡើងទៅកាន់វគ្គផ្តាច់ព្រ័ត្រ ពានរង្វាន់ Malaysia Cup 2018 ដើម្បីជួបក្លឹប Perak បន្ទាប់ពីបានយកឈ្នះក្រុមខ្លាំង Johor Darul Ta'zim នៅវគ្គពាក់កណ្ដាលផ្តាច់ព្រ័ត្រ ដោយលទ្ធផល ៣-២ (ជើងទី១៖ ១-០) កាលពីចុងសប្ដាហ៍កន្លងទៅ។

ខាងក្រោមជារឿង ដែលអ្នកគួរដឹងពីជំនួបវគ្គផ្តាច់ព្រ័ត្រ Malaysia Cup 2018៖

Johor Darul Ta'zim ជាក្រុមការពារតំណែងជើងឯក Malaysia Cup 2017 ដែលត្រូវបានធ្លាក់ដោយថ្វីជើងរបស់ Terengganu ។
នេះជាការបង្ហាញខ្លួនលើកទី៥ របស់ Terengganu ក្នុងវគ្គផ្តាច់ព្រ័ត្រ Malaysia Cup។ ការឡើងដល់វគ្គផ្តាច់ព្រ័ត្រលើកចុងក្រោយ គឺកាលពីឆ្នាំ២០១១។
Terengganu ធ្លាប់លើកពានរង្វាន់នេះតែម្ដងគត់ កាលពីឆ្នាំ២០០១។
នេះជាការជួបគ្នារវាង Terengganu ជាមួយ Perak នៅក្នុងវគ្គផ្តាច់ព្រ័ត្រ Malaysia Cup សាជាថ្មី បន្ទាប់ពីធ្លាប់ជួបគ្នាក្នុងវគ្គនេះកាលពីឆ្នាំ១៩៩៨ ដែលគ្រានោះ Perak បានយកឈ្នះដោយការទាត់បាល់ប៉េណាល់ទីកាត់សេចក្ដី។
វគ្គផ្តាច់ព្រ័ត្រ Malaysia Cup នឹងប្រព្រឹត្តទៅនាថ្ងៃទី២៧ ខែតុលា ឆ្នាំ២០១៨ នៅកីឡដ្ឋាន Shah Alam ។

គួរបញ្ជាក់ថា Perak បានយកឈ្នះក្លឹប Sabah ដោយលទ្ធផល ៧-២ (ជើងទី១៖ ២-២) កាលពីថ្ងៃអាទិត្យ សប្ដាហ៍កន្លងទៅ៕

អត្ថបទ៖ លាភ.