ខ្សែប្រយុទ្ធកម្ពុជា ចាន់ វឌ្ឍនាកា ត្រូវបានទំព័រ Asean Football Official ចាត់ទុកជាកីឡាករដ៏គ្រោះថ្នាក់ម្នាក់ ​ក្នុងចំណោមកីឡាករ ៧នាក់ នៅក្នុងព្រឹត្តិការណ៍ AFF Suzuki Cup 2018 ។

Asean Football បានឲ្យដឹងថា វឌ្ឍនាកា មានបទពិសោធនៅជប៉ុន និងម៉ាឡេស៊ី ហើយធ្លាប់បង្ហាញទម្រង់លេងដ៏ល្អ នៅក្នុងតំបន់។ កត្តានេះ គឺមូលហេតុដែលកីឡាករដែលមានរហស្សនាមថា CV11 អាចជួយឲ្យក្រុមជម្រើសជាតិកម្ពុជា ទទួលបានជោគជ័យនៅក្នុងការប្រកួតវគ្គសន្សំពិន្ទុខាងមុខ ដែលកម្ពុជា លេងនៅក្នុងផ្ទះចំនួន២ប្រកួត។

ក្រៅពី ចាន់ វឌ្ឍនាកា កីឡាករ ៦នាក់ទៀត រួមមាន៖ Aung Thu (មីយ៉ាន់ម៉ា), Adisak Kraisorn (ថៃ), Alberto Goncalves (​ឥណ្ឌូណេស៊ី), Nguyen Anh Duc (វៀតណាម), Phil Younghusband (ហ្វីលីពីន) និង Safawi Rasid (ម៉ាឡេស៊ី)។

សូមជម្រាបថា កម្ពុជា ស្ថិតនៅពូល A ជាមួយ វៀតណាម ឡាវ ម៉ាឡេស៊ី ​និង​មីយ៉ាន់ម៉ា។

កាលវិភាគប្រកួតរបស់កម្ពុជា

• ថ្ងៃទី៦ ​វិច្ឆិកា ឆ្នាំ២០១៨៖ កម្ពុជា Vs ម៉ាឡេស៊ី (នៅ​ទឹកដី​កម្ពុជា)

• ថ្ងៃទី១២ ​វិច្ឆិកា ឆ្នាំ​២០១៨៖ មីយ៉ាន់ម៉ា Vs កម្ពុជា (នៅ​ទឹកដី​មីយ៉ាន់ម៉ា)

• ថ្ងៃទី២០ ​វិច្ឆិកា ឆ្នាំ២០១៨៖ កម្ពុជា Vs ឡាវ (នៅ​ទឹកដី​កម្ពុជា)

• ថ្ងៃ​ទី២៤ ​វិច្ឆិកា ឆ្នាំ​២០១៨៖ វៀតណាម Vs កម្ពុជា (នៅ​ទឹកដី​វៀតណាម)